NLW MS. Peniarth 19 – page 40v
Brut y Brenhinoedd
40v
163
a|oruc yr amheraỽdyr parth
a freingk. a gorchymun y
weiryd ỻywodraeth yr ynyssed
yn|y gylch. ygyt ac ynys bry+
dein. Ac yn yr amser hỽnnỽ y
seilyaỽd pedyr ebostol eglỽys
yn gyntaf yn|yr antyos. ac o+
dyna y doeth y ruuein. ac yno
y dalyaỽd ef teilygdaỽt paba+
ỽl esgobaỽt. ac yd anuones
marc agelystor hyt yr eifft
y bregethu euegyl yr arglỽyd
Jessu grist hoỻgyuoethaỽc
yr hỽnn a ysgriuennassei e
hun o weithredoed mab duỽ.
A Gỽedy mynet yr amheraỽ+
dyr y ruuein. kymryt a
wnaeth gỽeiryd synhỽyr a
doethineb yndaỽ. ac atnewyd+
u y kestyỻ a|r kaeroed yn|y ỻe
y bydynt yn ỻibinaỽ. a ỻywy+
aỽ y deyrnas drỽy wrolder a
gỽiryoned megys yd oed y enỽ
a|e ofyn yn ehedec dros y teyr+
nassoed peỻaf. Ac yn hynny
eissyoes kyuodi syberỽyt yn+
daỽ. a thremygu arglỽydiaeth
ruuein. ac attal eu teyrnget
a|e gymryt idaỽ e|hun. Ac
ỽrth hynny yd anuones gloeỽ
vaspacianus a|ỻu maỽr gan+
thaỽ hyt yn ynys brydein y
dagnefedu a gỽeiryd. neu y
gymeỻ y deyrnget arnaỽ drỽy
darostygedigaeth y wyr ruuein.
164
A gỽedy eu dyuot hyt ym|porth
rỽytyn nachaf weiryd a ỻyma+
ỽr ganthaỽ yn eu herbyn yny
oed aruthyr gan wyr ruuein
welet eu niuer. ac eu hamylder
a|e gleỽder. Ac ỽrth hynny ny
lyuassassant gyrchu y|r tir ar
eu torr. namyn ymchoelut
eu hỽyleu a dyuot racdunt
yny doethant hyt yn|traeth
totneis y|r tir. A gỽedy kaffel o
vaspacianus y tir ef a|e lu y
kyrchassant parth a chaer pen+
hỽylcoet. yr honn a|elwir yr aỽr+
honn exon. A gỽedy dechreu ym+
lad a|r gaer honno ym·penn y
seithuet dyd nachaf weiryd a|e
lu yn dyuot. ac yn diannot yn
ymlad ac ỽynt. a|r dyd hỽnnỽ y
ỻas ỻawer o bop parth. ac ny
chafas yr vn y vudugolyaeth.
A thrannoeth gỽedy bydinaỽ o
bop parth y doeth y vrenhines
y·rygthunt. ac y tagnefedaỽd
eu tywyssogyon. ac odyna yd an+
uonassant eu kyt·varchogyon
hyt yn Jwerdon. A gỽedy mynet
y gaeaf hỽnnỽ heibyaỽ ymchoe+
lut a|wnaeth vaspacianus parth
a ruuein. a thrigyaỽ a|oruc gỽei+
ryd yn ynys brydein. A gỽedy
dy·nessau gỽeiryd parth a|e|heneint
caru gỽyr ruuein a|oruc. a thrae+
thu y deyrnas drỽy hedỽch a thag+
nefed. a chadarnhau y kyfreitheu
| « p 40r | p 41r » |