Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 43v

Brut y Brenhinoedd

43v

172

yn|ynys prydein. A gỽisgaỽ y goron
am y ben. a gỽahaỽd attaỽ y brenhin+
ed a|r|tyỽyssogyon a|oedynt wyr idaỽ o
bop ỻe a orescynnyssei ỽrth enrydedu
gỽylua y sulgỽyn yn vrenhinaỽl enry+
dedus. ac y atneỽydu kadarnaf tagne+
fed yrydunt. a gỽedy menegi o·ho+
naỽ y vedỽl y gyghorwyr a|e anỽylyt
ef ˄a|gauas yn|y gyghor dala y lys yg|kaer ỻion
ar ỽysc. kanys o|r dinassoed kyvoeth+
ockaf oed ac adassaf y|r ueint wylua
honno. Sef achaỽs oed. o|r neiỻ|parth
y|r dinas y redei yr auon uonhedic
honno ỽysc. ac ar hyt honno y
doynt y brenhined a delhynt dros y
Moroed yn|y ỻogeu hyt y dinas. ac
o|r|parth araỻ gỽeirglodyeu a foresti
yn|y theckau. ac ygyt a|hynny adei+
ladeu a ỻyssoed brenhinaỽl a|oedynt
yndi o|e myỽn. a thei eureit megys
nat oed yn|y teyrnassoed tref a|gyn+
hebyckyt y rufein o ryodres namyn
hi. Ac y·gyt a|hynny arderchaỽc oed
o dỽy eglỽys ar·benhic. vn ohonunt
yn|ardyrchafedic yn enryded y vyl
verthyr a|chỽfeint o werydon yn|ta  ̷ ̷+
lu molyant y duỽ yndi yn wastat
dyd a nos yn enrydedus urdasseid
Araỻ a|oed yn|enryded y aaron ke+
dymdeith y merthyr hỽnnỽ a|chỽ+
fent yn honno o ganonwyr reolaỽ+
dyr. ac y·gyt a|hynny y dryded ar+
chescobaỽt a|phenaf yn ynys prydein
oed. Ac y·gyt a hynny arderchaỽc
oed o|deucant yscol o athraỽon a do+
ethon. a|edbydynt* kerdetyat y syr. ac
amryfaelon gelfydodeu ereiỻ. Kanys
yn|yr amser hỽnnỽ y keffit yndi y se+
ith gelfydyt. a rei hynny drỽy gerdet+
yat y syr a venegynt y arthur ỻaỽ+
er o|r|damweineu a|delhynt rac ỻaỽ
O|r achỽysson oỻ y mynnỽys ar+
thur yno dala ỻys. ac odyna geỻ+
ỽng kenadeu drỽy amryfaelon teyrn+
assoed a gỽahaỽd paỽb a|orucpỽyt
o deyrnassoed ffreinc ac o amryfae+

173

lon ynyssed yr eigaỽn. o a dylyynt dyuot
A c ỽrth y wys honno [ y|r ỻys. ~ ~
y deuthant yno. araỽn uab kyn+
uarch brenhin yscotlont. Vryen y
vraỽt brenhin reget. Katỽaỻaỽn ỻaỽ
ir* brenhin gỽyned. kadỽr ỻemenic tywyssaỽc
kernyỽ. Tri archescob ynys prydein. ar+
chescob ỻundein. ac archescob kaer
efraỽc. A dyfric archescob kaer ỻion
ar ỽysc. a|phenaf o·nadunt oed
dan bab rufein. ac y·gyt a hynny e+
glur oed o|e wassanaeth a|e uuched.
Kanys pob kyfryỽ glefyt o|r a|uei ar
dyn ef a|e gỽaretei drỽy y wedi. ac y+
gyt a hynny ỽynt a|deuthant y tyỽyssogyon
o|r dinassoed bonhedic nyt amgen.
Morud iarỻ kaer loyỽ. Meuruc o ga+
er wyragon. anaraỽt o amỽythic.
Kynuarch iarỻ kaer geint. arthal
o warwic. Owein o gaer ỻeon.
Jonathal o gaer idor. Cursalem o
gaer lyr. Gỽaỻaỽc ap ỻeenaỽc o
salsbri. Boso o ryt ychen. Ac odieith+
yr hynny ỻaỽer o wyrda nyt oed lei
eu boned nac eu teilygdaỽt no|r rei
hynny. nyt amgen. Dunaỽt vỽr uab
pabo post prydein. Keneu uab coel.
Peredur uab elidyr. Grufud uab
vogoet. Rein uab elaỽt. Edelin vab
keledaỽc. Kyngar uab bangaỽ.
Kynnar gorbanyon. Miscoet cloffa+
ỽc. Run uab nỽython. Kynuelyn
trunyaỽ. Kadeỻ uab vryen. Kynde+
lic uab nỽython. Ac ygyt a hynny
ỻaỽer o wyrda a oed ry hir eu henỽi.
ac ygyt a hynny o|r ynyssed yn eu kylch.
Giỻamỽri brenhin Jwerdon. Melw  ̷+
as brenhin islont. Doldan brenhin
gotlont. Gỽynw brenhin orc. ỻeu
uab kynuarch brenhin ỻychlyn. E+
chel brenhin denmarc. ac o ffreinc
y deuthant hodlyn tywyssaỽc ruth+
yn. Leodgar iarỻ bỽlỽyn. Bedwyr
pen·truỻyat duc normandi. Borel
o cenomaỽs. Kei pen·sỽydỽr duc yr
angiỽ. Gỽittart o beittaỽ. A|r deu+