Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 104r

Ystoria Carolo Magno: Can Rolant

104r

179

lehav y·dan yr oliỽyden ar y|nei+
llaỽ y|tu dehev idaỽ. Ac eilỽei  ̷+
th dyỽedut val hynn a oruc.
Gỽenỽlyd heb ef. na phedrussa
di a miui yn vyỽ ymrỽymaỽ
a mi yg|kyỽir getymeithas.
ac ny mynaf|i o|hediỽ allann
dy vot ti yn wahanredaỽl o|m
kyghor. A ni a|vynnỽn weith+
on kyfrỽch o heneint charly  ̷+
maen yr hỽnn a dengys y lỽy+
di yn amlỽc y vot yn oedaỽc
yr hỽnn yssyd dihev genhym
ry|gỽplaỽ ohanaỽ o|e anediga+
eth hyt yr aỽr honn deucant
mlyned. Blinaỽ ry|oruc o la+
uuryaỽ llaỽer trỽy laỽer o
teyrnnassoed. a llaỽer o vren+
hinaethev a darestygỽys o|e ar+
glỽydiaeth ef. a llaỽer o|vren+
hined a gymhellỽys oc eu teyr+
naessoed y alltuded. Ac weith+
on amseraỽl oed idaỽ orffỽys
yn freinc e|hun y|treulyaỽ byr+
der y vuched trỽy leỽenyd. a
drigrifỽch. a llonydỽch. Nyt
velly y|mae y brenhin charlyma+
en heb·y|gỽenỽlyd. ny hepkyr y
oetran ef o vaỽredigrỽyd. ac
angerd. nyt oes lauur a arsỽy+
tto nac a gretto y vot yn ana+
ỽd. ac nyt oes ryỽ gedernyt
yr y|ieuenctit nac a veidho. nac
a allo gỽrthỽynebu y heneint
ef. Mỽy heuyt yssyd o volyant
a|cheneduev da. ar charlymaen

180

noc a|allei neb y dyỽedut. ac
ny ellit datkanu y|gniuer daỽn
a gauas charlymaen y|gan yr
ehalaeth roddaỽdyr yr holl don+
nyev. Ny|dyỽedaf|i eissoes na a+
ller y·chydic ỽrthỽynebu y an+
gerd ef pei cospit rolond yr hỽn
yssyd laỽ deheu y charlymaen
yr hỽnn y llauurya ef o|e geder  ̷+
nyt y saỽl a|r veint a lauurya.
Canys py|ly|bynnac y kerdho
charlymaen a|e lu. rolond a
tric yn ol. ac oliuer y|getym+
deith. a|r deudec gogyuurd y+
gyt. a chan mil o|freinc y ga+
dỽ y brenhin. a|r llu blaenaf
rac perigloeu yn ol. ac nyt
oes yntev neb a veidhyo ym+
broui a|chedernyt rolond. yr
hỽnn yssyd vaỽrhydic o|e glot.
ac yr gerdỽys idaỽ yn honneit
na ellir goruot arnaỽ nac ar
y ryuyc. ac y|mae y|minhev
hep·y|marsli petỽar can mil o
pagannyeit agattoed yssyd gyn
deỽret. a chyn gyfrỽysset yn
aruev. ac na ellit caffel mar+
chaỽclu a vei tegach noc ỽynt.
Pony thebygut tithev gallu
ohonam ninhev ym·erbynny+
eit y|mrỽydyr a charlymaen
a|e lu. Peth am bell heb·y gỽen  ̷+
ỽlyd nyt heb ormod collet y
gellynt ych anfydlonyon chỽi
ym·gyuaruot a|r saỽl fydlony+
on hynny. Reit vyd ychỽi