NLW MS. Peniarth 5 (The White Book of Rhydderch, part 1) – page 62r
Purdan Padrig
62r
17
ac yn|y brathu yn anfurueid megys
darparu tynnv y callonnoed. ny orffyv+
ysseu y rei hynny truein a agorit ar+
nunt velly yn kỽynnaỽ ac yn vdaỽ
byth. Dieuyl hagen oed yn|y plith ar+
nunt yn redec ar y|traỽs. ac yn|y po+
eni yn llittyaỽc. gan y maedu a|ffry+
ỽylleu tan. ac ny ỽelei ef teruynn
ar y|ter lle hỽnnỽ gan|y veint onyt
ar|y llet o|r lle y dothoed idaỽ. ac ar|y
lle y daỽ drostaỽ. a phann oed ef yn
mynet ar|traỽs y meyssyd hynny.
y dyỽat y|dieuyl ỽrthaỽ val hynn.
ti a odefy y poeneu a|ỽely ti oll onyt y
ymhoely drachgeuyn ual y kyghor+
assam yt. a phann tremygaỽd ef y
kyghoreu hỽy. y|mynyssant ỽy y|tyn+
nu ef ar|yr hoelyon megys y rei ereill
ac val y gelỽis ef enỽ iessu grist ny ̷ ̷
allassant ỽy dim o|e darpar. nac o|e
medỽl. Odyna y dugassant ỽy y. Marchawc.
y·gyt ac ỽy y|r trydyd maes. a hỽnnỽ
heuyt llaỽn oed. o dynyon. gỽyr. a|gỽr+
aged. meibon. a merchet. megys yn
gorỽed a hoelon gỽynnas trỽydunt
yn|y dayar yn gyn amlet ac nat oed
vn votued o ỽarthaf eu penn hyt ym ̷ ̷
blaen byssed y|traet. heb hoelon. a ̷ ̷
rei hynny breid y|gellynt leuein.
namyn dynyon y|mron agheu. y cly+
ỽit eu rỽgc. a|r dyny˄on hynny noeth
oedynt. a gỽynt oer yn|y tryỽanỽ.
ac yn|y llosci. a|r dieuyl yn|y poeni
a ffryỽolleu. ac yna y dyỽat y dieuyl
ỽrth y. Marchawc. ti a|odefy y poenneu hynn
oll. ony ỽney yn kyghor ni. ac ym+
hoelut dracheuen. a phann tremy ̷ ̷+
gaỽd ef y begythyeu ỽy. y|mynyssynt
ỽy y boeni ef. ac val y gelỽis ef enỽ
iessu. ny allassant hỽy dim drỽc idaỽ
ef yno. ac odyno y|dugassant ỽy y
Marchawc. ygyt ac ỽy y|r petỽeryd maes.
18
a hỽnnỽ oed gyflaỽn o tan a phob
ryỽ boen a geffyt yno. ac yno yd
oed dynyon gỽedy eu crogi a chadỽ+
ynev tan gyr y|traet. ereill gyr y
dỽylaỽ. ereill gyr y breicheu. ereill
gyr y hysgỽydeu. ereill gyr y hys ̷+
geired. a|e pennev yn issaf. ereill
gyr eu gỽallt. a|than brỽnstan yn|y
kylch. ereill yn vbein y|myỽn tan
ar|vacheu heyrnn gỽedy gossot yn|y
llygeit. neu yn|y clusteu. neu yn|y trỽy ̷+
nev. nev yn|y gorchyuaned. neu ym
penn y bronnev. ereill y myỽn ffyr+
nev tan brỽstan yn|y llosci. Ereill. yn|y
poethi ar eillch*. Ereill. yn pobi ỽrth
tan. a phynn ran truydunt. me+
gys bereu. Ereill. a phop ryỽ daỽd yn
dygỽydaỽ yn dafynev arnunt. a|r
holl dieuyl yn|y maedu a|ffryỽolleu
tan gan amrysson. ef a|ỽelit yno
pob ryỽ boen o|r a ellit y vedylyaỽ.
Y. Marchawc a ỽelei yno rei o|e gytymeith+
on a atỽaenat yn hyspys. Nyt o ̷ ̷+
ed a|allei dyỽedut yr vtua. a|r lleu+
ein y truein y rei a|ỽelei ef yno. A
llaỽn oed y meyssyd o|dieuyl yn cro+
gi dynyon gyt a rei ereill a|grogys+
synt yno. a phan vynessynt hỽy po+
eni. y Marchawc. yno. y|gelỽis yntev enỽ ies+
su. ac y bu digodyant idaỽ. Gỽedy
y mynet odyno y le arall. hỽy a|ỽel+
ynt rot o|tan anryued y meint gyr
y bronn. ac ar gylcheu y|rot yd oed
bacheu tan o bop parth. A dynyon
y|nibin ar y bacheu. a|r neill emyl
y|r rot oed y|goruchelder yr aỽyr. a|r
llall oed yn dyfynnder y|dayar. a|flam
o|tan brỽnstan oed yn kyuodi o|r da ̷ ̷+
yar ygkylch y|rot. a|r flam honno
yn llosci y rei truein a|oed y|nibin
ỽrth y bacheu. ac yna y|dyỽat y|die ̷+
uyl. Y poenev a do odef y rei hynn oll ̷ ̷
| « p 61v | p 62v » |