NLW MS. Peniarth 19 – page 44v
Brut y Brenhinoedd
44v
179
y eu tywyssaỽc ymrodi o·ho+
naỽ yn trugared asclepiodotus
ac erchi eu goỻỽg ymeith o|r
ynys heb dim da ganthunt
namyn eu heneidyeu. kan da+
roed oỻ eu ỻad namyn un ỻeg
a|oed etto yn ymgynnal. ac ỽrth
y kyghor hỽnnỽ yd ymrodas+
sant yn ewyỻys y brenhin a|r
brytanyeit. Ac ual yd oedynt
yn kymryt kyghor am eu go ̷+
ỻỽg. Sef a|wnaeth gỽyr gỽy+
ned eu kyrchu. ac ar yr vn
ffrỽt a gerdei drỽy lundein
ỻad gaỻus tywyssaỽc a|e
hoỻ gedymdeithyon. Ac o|e
enỽ ef y gelwir y ỻe hỽnnỽ yr
hynny hyt hediỽ yg|kymraec
nant y keilyaỽc. a galbrỽc yn
saesnec. a gỽedy goruot ar
wyr ruuein ac eu ỻad y kym+
erth asclepiodotus coron y deyr+
nas a|e ỻywodraeth drỽy gen+
nat pobyl ynys brydein. A
thraethu y kyuoeth a|oruc o
unyaỽn wirioned a hedỽch
drỽy yspeit deg mlyned. a gỽ+
ahard cribdeil y treiswyr. a|phy+
lu cledyfeu y ỻadron a|oruc drỽy
hynny o amser. Ac yna y ky+
uodes creulonder dioclicianus
amheraỽdyr ruuein. drỽy yr
hỽnn y dilewyt cristonogaeth
o ynys brydein. yr honn a
gynhalyssit yndi yn gyuan
180
yr yn oes les uab coel y brenhin
kyntaf a gymerth cret a|bedyd
yndi. Kanys Maxen tywyssa+
ỽc ymladeu yr amheraỽdyr
creulaỽn hỽnnỽ. a doeth y|r y+
nys a|ỻu maỽr ganthaỽ. ac o
arch a|gorchymyn yr amhera+
ỽdyr y diuaaỽd yr eglỽysseu ac
ỽynt ac a|gahat o lyfreu yr
ysgruthyr lan yndunt. ac y+
gyt a hynny y merthynt* etho+
ledigyon offeiryeit a christono+
gyon fydlaỽn oed uvud daros+
tygedic udunt y·dan wed mab
duỽ. mal y kerdynt yn doruo+
oed y deyrnas gỽlat nef. Ac
yna y damlywychaỽd mab
duỽ y drugared hyt na mynnei
bot kenedyl y brytanyeit yn
ỻychwin o dywyỻỽch pecho+
deu. namyn goleuhau o·na+
dunt e|hunein egluraf lam+
peu gleinyon uerthyri. Ac yr
aỽr hon y|mae bedeu y rei hyn+
ny ar eu hesgyrn. a|e creireu
yn|y ỻeoed y merthyrỽyt yn
gỽneuthur diruaỽr wyrtheu
a|didanỽch y|r neb a edrycho
arnadunt. pei na bei gỽynua+
nus ac wylofus y gristonogy+
on clybot ry wneuthur o estra+
ỽn genedyl paganyeit a|r
fydlaỽn gristonogyon ac eu
priaỽt genedyl e|hunein y
kyfryỽ. ac ymplith y bonhedi+
| « p 44r | p 45r » |