NLW MS. 20143A – page 46v
Llyfr Blegywryd
46v
181
gỽẏstyler; nẏ|dẏgỽẏ+
dant. bẏth Odẏna kẏ+
meret. pob braỽt ei ̷ ̷+
ssẏdẏn. ac ỽẏth erỽ.
a|r mab ieuhaf a|rann
ac o|hẏnaf ẏ|gilid bieu
dewis hẏt at ẏ|ieuhaf
T·eir gỽeith ẏ ren ̷ ̷+
ir. ẏr vn tref tat rỽg
teir grad kenedẏl.
ẏn kẏntaf rỽg brodẏr
eilweith. rỽg keuend ̷ ̷+
dẏrỽ. Trẏded weith
ẏỽ rỽg kẏuerdẏrỽ.
Odẏna nẏt oes briaỽt
rann ar tir Nẏ|dẏlẏ
neb gouẏn atrann. o ̷ ̷+
nẏt. ẏ|neb nẏ chauas
dewis. Odẏna ẏ|diaereb
182
ẏssẏd nẏt oes warthal.
gan dewis. Nẏ cheiff neb
tir ẏ|gẏt·etiued megẏs
ẏ vraỽt neu ẏ geuende ̷+
rỽ. neu ẏ gẏuerderỽ
gan ẏ o·vẏn trỽẏ ẏr vn
kẏt·etiued hỽnnỽ a|vei
varỽ heb etiued idaỽ.
o|e gorff namẏn gan ẏ
ouẏn trỽẏ vn o|e rieni
a vei perchen ar ẏ|tir
hỽnnỽ hẏt varỽ ae tat
ae hentat ae gorhentat
ẏ|tir hỽnnỽ a|geiff os ef
nessaf car ẏ|r marỽ.
Gỽedẏ rannho brodẏr
tref eu tat ẏ·rẏdunt
o|r bẏd marỽ vn ohon ̷ ̷+
unt. heb etiued o|gorff
neu ẏ|gẏt·etiued hẏt
| « p 46r | p 47r » |