NLW MS. Peniarth 19 – page 45v
Brut y Brenhinoedd
45v
183
yrnas gỽedy ef. A gỽedy kym+
ryt o gonstans hi yn wreic
idaỽ. y ganet mab udunt.
Sef oed y enỽ custenin. ac
ympenn deg mlyned gỽedy
hynny y bu uarỽ constans
ac y cladỽyt yg|kaer efraỽc.
ac yd edewis y vrenhinya+
eth y gustenin. ac ym·penn
ychydic o yspeit blỽyny+
ded. ymdangos a|oruc cus+
tenin o vot yndaỽ voned
maỽr a|dylyet. ac ymrodi
y haelder a daeoni. a gỽ+
neuthur Jaỽnder yn|y arglỽ+
ydiaeth. ac ymdangos mal
ỻeỽ dywal yn|y arglỽydi+
aeth y|r rei drỽc. ac megys
oen vuud y|r rei da fydla+
A C yn yr amser [ ỽn.
hỽnnỽ yd oed gỽr
creulaỽn engiryaỽl yn am+
heraỽdyr yn ruuein. Sef
oed y enỽ maxen. a|r bon+
hedigyon a gywarsagei
ac a|darostygei o gyffre+
din arglỽydiaeth ruuein.
Sef a|wnaeth y bonhedigy+
on a|r dylyedogyon hynny
gỽedy eu dehol o|r creula+
ỽn amheraỽdyr ỽynt o dref
eu tat. dyuot att gustenin
hyt yn ynys brydein a|oru+
gant. ac ynteu a|e haruoỻes
ỽynt yn vonhedigeid. ac eis+
184
syoes gỽedy dyuot ỻawer o+
nadunt att gustennin y gyf+
froi a|orugant yn erbyn y
creulaỽn wr hỽnnỽ. gan gỽ+
ynaỽ ỽrthaỽ eu haỻtuded
a|e trueni yn vynych. a chan
annoc idaỽ goresgyn maxen
a|e dehol. kanys o genedyl
ruuein y hanoed gustennin.
ac nat oed a|e dileei ynteu
yn gystal ac efo. ac ỽrth hyn+
ny adolỽyn idaỽ dyuot y+
gyt ac ỽynt y oresgyn tref
eu tat ac y eturyt eu dylyet
udunt. ac y waret gormes o
ruuein. a thrỽy y ryỽ ymadro+
dyon hynny kyffroi a|oruc
custennin. a chynuỻaỽ ỻu
maỽr a mynet ygyt ac ỽynt
hyt yn ruuein. a|goresgyn yr
amherodraeth yn|y eidaỽ e
hun. ac odyna y kafas ỻywo+
draeth yr hoỻ vyt. Ac yna y
duc custennin ygyt ac ef tri
ewythyr y|elen. Sef oed eu he+
nỽeu trahaearn. a ỻywelyn.
a meuric. a|r trywyr hynny
a ossodes ef yn urdas sened
A C yn yr amser [ ruuein.
hỽnnỽ y kyuodes eudaf
Jarỻ ergig ac euas yn erbyn
y tywyssogyon a ry adaỽssei
gustennin yn cadỽ ỻywodraeth
yr ynys ydanaỽ. A gỽedy ym+
lad o eudaf a|r gỽyr hynny ac
| « p 45r | p 46r » |