Philadelphia MS. 8680 – page 66v
Brut y Brenhinoedd
66v
183
y nei uab y vraỽt. A gỽedy
na eỻynt seuyỻ yn|y erbyn
ỽynt a|ffoassant hyt att be+
anda y geissaỽ nerth y gan+
taỽ y oresgyn kyuoeth oswi
aelỽin. Ac ỽrth na|lauassei
peanda torri y dagneued a
ry|wnathoed katwaỻaỽn drỽy
deyrnas ynys prydein. Ynteu a
dywaỽt hyt pan gaffei ganh+
at katwaỻaỽn y ryuelu na
ryuelei ef ar oswi na rodi
kat ar uaes idaỽ. Ac ỽrth
hynny treilgỽeith pan|yttoed
gatwaỻaỽn y sulgỽyn yn
ỻundein yn dala ỻys. ac yn
gỽisgaỽ coron y deyrnas am
y benn. a hoỻ dywyssogyon
brytanyeit. a|saesson gyt ac ef
eithyr osswi|aelwin e|hunan.
Peanda a|deuth att y brenhin
ac a|ouynnaỽd idaỽ. py acha+
ỽs na dathoed oswi aelwin y|r
ỻys yn annat un tywyssaỽc
o|r saesson. Na ỽnn heb y
brenhin. namyn o achaỽs y
uot yn glaf. Nyt yr|hynny
184
arglỽyd heb·y peanda. na+
myn y gennadeu a|anuo+
nes hyt yn germania yn|ol
saesson y|dial oswalt y ura+
ỽt arnam ni ni a|thi.
Ac ygyt a hynny peanda
a|dywaỽt ry dorri o·honaỽ
ef e|hunan tagneued y deyr+
nas pan|deholes alfric y uab.
ac odwaỻt y nei uab y uraỽt
northỽmbyr. Ac ỽrth hynny
dyro ganyat ymi y lad ef.
neu ynteu y dehol o|r|deyrn+
as yn|hoỻaỽl. Ac ỽrth hyn
gỽedy medylyaỽ o|r|brenhin
lawer ygkylch hynny. ef
a|erchis y gyghorwyr edrych
beth a|gyghorynt ỽy am
hynny. Ac ual yd|oedynt
veỻy paỽp yn menegi y gy+
ghor. Maredud brenhin dy+
uet ymplith paỽp a|dywaỽt.
arglỽyd urenhin heb ef. ka+
nys buassei aruerth genhyt
ti gỽrthlad hoỻ|genedyl y
saesson o ynys prydein. Py
achaỽs weithon y gedy di+
| « p 66r | p 67r » |