Breudwd Welsh Prose 1300-1425
Cymraeg

Philadelphia MS. 8680 – page 25r

Ystoria Dared

25r

17

o elenus uab priaf. a
chasandra y chwaer yr
hedỽch vyth. ac etryt e+
len uannaỽc. a gadu cla  ̷+
du achelarỽy. Ac ỽrth
hynny agamemnon a
ganhadỽys eu rydit y
elenus ac y gasandra.
Ac elen uannaỽc a|eiry+
oles ar agamemnon
dros ecuba. ac andromac+
ka y goffau y bot hi eiry+
oet yn garedic y gantunt
hỽy. ac o gyffredin gyg+
hor agamemnon aga+
memnon a ganhatwys
y heneideu y ecuba ac y
andromacka. A|r pedw+
ryd dyd y mynnassant
hỽy mordỽyaỽ tu a gro+
ec. ac rac tymhestleu
maỽr yn|y ỻudyas y
goruu arnunt drigyaỽ
yno dalym o diwarnode+
u. A|chalcas a|dywaỽt

18

o|e dewindabaeth na
daroed bodlonhau
yn gỽbyl y|r ufferno+
lyon dỽyweu. Ac y+
na y deuth cof poluxe+
na y pyrr o achaỽs
yr honn y ỻadyssit a  ̷+
chelarỽy y dat ef. ac
ef a geissỽys honno
yn ỻuossogrỽyd y
rei kaeth ac ny|s kauas.
Ac agamemnon yn+
teu. a|orchymynnỽys
y antenor y cheissaỽ
yn|graff. a|e dỽyn at+
taỽ ef. Ac ef a|e|kauas
hi yn ymgudyaỽ yno
ac ef a|e rodes hi y byrr
uab achelarwy. Ac ynteu
a|e tremydgỽys* hi ar
ved achelarwy y dat a|ladys+
sit o|e hachaỽs hi. ac a+
gamemnon a|sorres
ỽrth eneas. am|gudy+
aỽ o·honaỽ ef polixena.