NLW MS. Peniarth 20 – page 329
Gramadeg y Penceirddiaid
329
1
ynglynnyon a|y messu+
reu a|y hamkaneu
dywetter bellach
am yr odleu ar ky+
wydeu a|y messureu
a|y hamkaneu.
Pymp messur ky+
ffredin a wna+
ethpwyt yn gynt+
af ar odleu. nyt am+
gen. todeit. a gwa+
ywdodin. a|chyhyded
hir. a chyhyded verr.
a rupynt. Todeit
a vyd o gypleu hir+
yon oll a|phob vn
onadunt a vessurir
o bedeir sillaf ar|by+
mthec pob vn val
y mae yr awdyl honn.
Nyt digeryd duw
neut digarat. kyrd.
neut llei gwyrd y
vyrd o veird yn rat.
Neut llyaws vrwyn
kwyn kannwlat. yng
kystud. o|th attal ru+
ffud waywrud rod+
2
yat. Gwaywdodin
a vessurir o deu benn+
ill vyrryon o naw
sillaf pob vn onad+
unt a|phennill hir
o bedeir silla f
ar bymthec yndaw
val y mae honn.
Morwyn a weleis
mor drybelit. Mire+
ingall o ball a bell
glywit. Mawredus
veinus ven y bernit.
kreir. Mor wenn y hes+
geir vwch y hesgit.
a|y chynnal velly hyt
y penn. Kyhyded
hir a vessurir o benn+
illeu hiryon oll o be+
deir sillaf ar bym+
thec pob vn onad+
unt. ac yn|y pennill
hir hwnnw y byd tri
phennill byrryon
deu o bymp sillaf
pob vn o·nadunt
a phob vn yn at+
teb yw y gilyd ac
| « p 328 | p 330 » |