NLW MS. Peniarth 20 – page 299
Brut y Tywysogion
299
1
ac yno y gnwaethpwit*
y gyuathrach rygthaw
a merch Jarl* hynawd.
Anno.vij. yd aeth dy+
wyssogyon lloygyr
hyt en jorck gwedy
gwyl Gregor bap en
erbyn er ysgottyeyt
ac ny frwithawt haiach.
Anno.viij. en gylch y
gwyl bedyr en dechreu
y kanhayaf y gwna+
ethpwyt tagneued
rwg lloygyr a phry+
dyn. ac y rodet merch
brenhyn lloygyr y vab
brenhyn prydyn. en
y vlwydyn honno y pe+
rys rosser mortymer
gossot kwnsli en salis+
burie en gylch kalan
gayaf. ac y manessynt
llad jarll lonkaster.
ac ymbleydyaw yn
gadarn o bop tu. a o+
2
rugant. a dyuot hyt
enghaervrangon y
nodolic honno. ac en
gylch gwyl bawl a+
bostol y tagnaued+
dwyt wynt en ley+
cestyr. a gwedy gwyl
veir san freit y gor+
uu ar bordeiseit llun+
deyn rei prynv ev
mynyglev ereill ev
krogy. am nerthau
Jarll long·kaster.
Anno.ix. y goruu
ar brenhyn lloigyr
mynet y freync yw
wneithur gwrioga+
eth y vrenhyn freinc.
ac y trigawd Jarll
warant en douer ev
aros. a rosser morti+
mer. ar vrenhynes
en geynt. en y vlwy+
dyn honno y gosso+
det y torneyment en
| « p 298 | p 300 » |