NLW MS. Peniarth 21 – page 10r
Brut y Brenhinoedd
10r
1
bei drwc kennyf pan ovynneis
idi pa veint y|m karei. Nyt
mivi a|gerit namyn y|kyvoe ̷+
th a|r|da a|r prytverthwch a|r
eur a|r aryant a|r tlyssyev tec
mawrweirthyawc. Ac am hyn ̷+
ny ny wnn. i. pa ffunvt y|gall ̷+
af. i. vyth ym·welet a|chordoil+
la vym merch na cheissyaw na
da na thiryonwch y genthi ha* ̷+
nys bvm ar gam wrthi a|hith ̷+
ev yn doethach ac yn gymhen ̷+
ach no|y chwioryd ac no minh+
ev. Ac wedy dywedut yna lla ̷+
wer o|llyr o|dicter ef a|doeth
y|r dinas yd|oed y|verch ynda ̷+
w. Ac odieithyr y|gaer aros a|or+
vc ef ac anvon kenat y|dyw ̷+
edut y|vot ef yn yr anssawd
a|r amwed yd oed. A|phan gigl ̷+
ev hi hynny ssef a|orvc hithev
wylaw a|govyn pa|ssawl march+
awc a|y kannlynei. Ac yna y|dw ̷+
ot y|gennat nat oed namyn
vn ysswein Sef a|orvc kordo+
illa yna anvon yn llaw y|ge+
nnhat dogyned o|eur ac ar+
yant yny allei ef kynal dev+
gein marchawc wrth y|ossg+
ord yn diwall o|veirch a|dillat
Ac erchi ydaw mynet y|dinas
arall odyno a|chymryt arn ̷+
aw y|vot yn glaf a|gwnnev+
2
thvr eneint idaw a|ffryn
gwisgoed newyd idaw ac
o|y wyr. A|phan darffei hyn +
ny oll anvon kennhat
ar aganippus ac ar y verch
y|dywedut y vot yn dy +
vot yn deholedic y|ar
y|gyvoeth y|gan|y dev
dovyon o|ynys brydein
A|ffan giglev aganippus
hynny ef a|doeth a|niver
kymredus ganythaw o
yeirll a|barwnyeit yn erby ̷+
n llyr a|y arvoll yn anrydedus
a|orvc. A hyt tra vv lyr yn
tervyn tir ffreinc ef a|gafas
vot yn bennaf ar gwbl o
vedyan aganippus a|y gyvoeth
a|chwbl o|y gyn nghor
Ac yna yn diannot yd|anvones
aganippus y bob lle yn y
drnas gynnvllaw kwbl o|y holl
allu o|varchogyon a|phedyt
A|phan vvant barawt ev gellw+
ng ygyt a|llyr y|oresgyn ynys
brydein idaw A|ffan doethant
y dir yr yny* honn ymlad a
orvgan ef a|y dovyon a|gor +
vot a|orvc llyr a|gwedv
a|orvc y|kyoeth* idaw ac
ny bv vyw llyr namyn
teir blyned wedy
hynny Ac yna y
| « p 9v | p 10v » |