Breudwd Welsh Prose 1300-1425
Cymraeg

NLW MS. Peniarth 21 – page 24r

Brut y Brenhinoedd

24r

1

Ac yna gwedy dyuot. arthur. y
ynys brydein. daly llys a|oruc ynt
gwylva y|sulgwynn a|darpa  ̷+
rv gwled anveidrawl y|meint
yng|kaer llion ar wyssc yn|y
lle a|elwir gwlat vorgant yn
emyl mor hafren kanys tec  ̷+
kaf lle oed yn ynys brydein. a|chyvo  ̷+
ethockaf o|eur ac aryant a|ffo  ̷+
b da a|lle adas oed hwnnw y|anry  ̷+
dedu yng gwylua darparedic
kanys o|r neilldv y|r dinas yd
oed avon vonhedic val y gall  ̷+
ei longheu o|eithavoed byt dy  ̷+
vot yno. Ac o|r parth arall 
y|r dinas yd oed gweirglodyev
tec amyl yn ehang wastat a|f  ̷+
foresteu a|llwyneu Ac o vewn
y|gaer yd oed tei brenhineid gor  ̷+
eureit Ac eu tebic y|kyffelyb  ̷+
ir y rvvein y|dinas hwnnw. Ac y  ̷+
gyt a|hynny dwy eglwys arbe  ̷+
nnic a|oed yno vn onadvnt a
gysegrwyt yn|enw Iuli verth  ̷+
yr a|manachloc gwerydon yn  ̷+
di. Ac eglwys arall a|oed yno yn
enw aaron getymeith. yulius
a|merthyr oed hwnnw. a|man  ̷+
achloc kanonwyr a|oed yndi
A|thrydyd archesgobty ynys.|brydein.
oed hwnnw Ac yd oed yno yn
yr amser hwnnw dev kant o|ys  ̷+
goloed yn gwarandaw amra  ̷+
vaelyon gelvydodev. Ac yn en  ̷+
wedic yd oed yno y|seith gel  ̷+
vydyt. A|darmerth antervyn  ̷+
edic a|darparwt yno ac.
a|vydei ry vlin y|gyrris*

2

Ac od vyd yn gyfrifiet kennat  ̷+
doed y|bob gw  o|e goresgyn  ̷+
assei. arthur. y|dyvynnv pob brenhin
a|ffob dywyssawc a ffob yarll
a|ffob barwn a|ffob marchawc
vrdawl a|chwbyl o|r a|oed o|wyr
a|dwyn pwyllawc anrydedus
yng|kwbyl o|r|gwladoed a|hynny
oll a|dyvynnwt hyt y|ngaer llion
y|dalu y|bob vn onadvnt oll y
wir a|y|vreint a|y dylyet val yd
oed eu boned ac eu gwaet. Ac
yna y|doethant o|r alban arawn
vab kynvarch. brenhin. ysgotlont
ac. vrien. vab kynvarch. brenhin.
mwreif y|wlat a elwit reget
Katwallawn llawir. brenhin
gwyned. Mevryc. vrenhin dyvet
Katwr. vrenhin kernyw. A|thri
archesgot* a|elwit yno. ssef yr
rei hynny archesgob llvndein
ac archesgob kaer efrawc ac
archesgob kaer llion. kanys
ovo a|oed bennaf yn ynys
brydein. yna a|breint legat idaw
A|gwr nevawl santeid oed Ac
yna y|doeth morvd yarll kaer
loew. A mor yarll kaer wrang+
on. Ac anarawt o amwythic
A Marchvd o|gaer wir y|dinas
a|elwir yr awr honn gwae verwic
Ywein o|gaer wallawc. Grvsal  ̷+
em o gaer gynvarch. Vryen o
gaer vadon. Ionathal o dorstestr
a|boso o|ryt ychen. A|dvnawt vab
pabo post brydein. A chenev vab
koel. A|pheredur vab pruth