NLW MS. Peniarth 19 – page 51v
Brut y Brenhinoedd
51v
211
1
blinaỽ weithyon. mal na chaf+
2
fỽn neb y|n hamdiffyn. Ac
3
ỽrth hynny yd ym ninneu
4
yn gỽediaỽ dy drugared ditheu
5
yny rodych di nerth a chan+
6
horthỽy. ac amdiffyn y|r|de+
7
yrnas yd|ỽyt dylyedaỽc ar+
8
nei. kanny|dyly neb y goron+
9
hau yn weỻ no thi o goron cus+
10
tennin a maxen wledic. kanys
11
y gỽyr hynny yssyd gereint
12
ytti. ac ỽrth hynny paratoa
13
lyghes a dabre y gymryt te+
14
yrnas ynys brydein. a minneu
15
a|e rodaf hi y·rỽg dy dỽylaỽ
16
di. Ac ar hynny yd attebaỽd
17
aldỽr yr archesgob. A|wrda
18
heb ef. ef a|vu amser na ỽrth+
19
odỽn i deyrnas ynys brydein
20
o|r bei a|e rodei ym. kanys mi
21
a|debygaf nat oes ynys frỽ+
22
ythlonach no hi tra geffit
23
yn hedỽch. ac yr aỽr honn cas
24
yỽ gennyf hi. a|chan bop
25
tywyssaỽc. kann kyfaruu
26
drycdyghetuen a|hi. A|thros
27
bop peth o|r a|gyfaruu a hi
28
dryc·arglỽydiaeth gỽyr ruue+
29
in a argywedaỽd yn vỽyaf
30
idi. hyt na eiỻ neb tywyssaỽc
31
beỻach kynnal y theilygdaỽt
32
idi heb arwein ruueinyaỽl ge+
33
ithiwet arnaỽ gan dalu te+
34
yrnget udunt o·honei. Ac ỽrth
35
hynny wrda heb ef. Pỽy ny
212
1
bei weỻ ganthaỽ gyuoeth by+
2
chan yn ỻe araỻ yn ryd heb
3
geithiwet. noc vn maỽr yn ỻe
4
y bei y dylyet gan dalu tragyỽ+
5
ydaỽl geithiwet. Ac eissyoes
6
heb ef kanys yr ynys a|dywe+
7
dy di a|vu eidun vy rieini i. mi
8
a|rodaf ytti gustennin vy mra+
9
ỽt a dỽy vil o varchogyon y+
10
gyt ac ef. y edrych a vynno duỽ
11
idaỽ gaỻu rydhau yr ynys
12
honno y gan ormes estronyon
13
genedyloed agkyfyeith. a chym+
14
eret ef coron y deyrnas a|bit
15
vrenhin yno o|r mynn duỽ y
16
ganhadu idaỽ. ac rac bygỽth
17
ryuel yssyd arnaf y gan y fre+
18
ingk. nyt adawaf i yr aỽr honn
19
o varchogyon ytti vỽy no hynny
20
Abreid vu o daruu y|r brenhin ter+
21
uynu y ymadraỽd pan rodes kue+
22
lyn archesgob ỻawer o diolcheu
23
y|r brenhin am hynny. ac yn|y
24
ỻe galỽ custennin a|dywedut
25
ỽrthaỽ ual hynn. Crist heb ef
26
a|oruyd. crist a|wledycha. crist
27
a orchyvycka. ỻyma vrenhin ynys
28
brydein diffeith. crist a|e kanhorth+
29
ỽyo. ỻyma yn hamdiffyn ni an
30
gobeith a|n ỻewenyd. Pa|beth gỽe+
31
dy hynny yn|y ỻe gỽedy bot yn
32
baraỽt y ỻogeu ar y traeth. eth+
33
ol marchogyon ac eu rodi y
34
guelyn archesgob. a chustennin
35
y·gyt ac ỽynt. ~ ~ ~ ~ ~ ~ ~ ~
| « p 51r | p 52r » |