Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 112v

Ystoria Carolo Magno: Can Rolant

112v

213

a grandon yntev a|e dec byd  ̷ ̷+
din o|hyt tra y|meirch a|gyrch+
assant y freinc. a|honni eu ky+
chỽynn o|vil o|gyrrnn. a|phan
doeth y godỽrd hỽnnỽ at y fre+
inc kythrudyaỽ a|ỽnaethant
o darogan eu hagenv. a|chỽyn  ̷+
yaỽ pob vn ỽrth y gilyd ona  ̷+
dunt. ac yn|y gỽynvan hon  ̷+
no eu didanv a oruc yr arches+
gob vdunt gan a·daỽ lleỽen  ̷+
yd gỽlat nef y|r goreu a ym+
ladei onadunt. ac adaỽ poenev
vffernn y|r neb a|foei ohonunt.
ac ym·gadarnhav ar hynny
a oruc paỽb onadunt. ac ym+
adaỽ yn gyuun hyt na foynt
vyth. ac ar hynny dodi gaỽr
ar vynyd lleỽenyd. ac ym·gyr+
chu a|r pagannyeit. ac ar hyn+
ny cliborinus y pagan cadarnaf
o|r byt a|raculaen·ỽys y getym+
eithyon a dỽyn ruthyr y enge+
ler o ỽasgỽyn a|e vrathu a|g+
ỽayỽ trỽy y daryan a|e luryc
a|thrỽydaỽ e|hun. a dygỽydaỽ y
ar y varch y|r llaỽr. a buched tra+
gyỽyd a gymerth engeler.
ac ar hynny y budugaỽl a do+
des gaỽr. haỽd yỽ y|goruot heb
ef ar y freinc. ymledỽch get+
ymeithon. a chan ymlad tor+
rỽch vydinoed y|freinc. ac ar
hynny ymoralỽ a oruc rolond
ac oliuer. a getymeith da|heb
ef a|ỽely di meint y collet ry

214

damỽeinỽys yn ni ry|lad engeler.
Ny ỽn ni heb·yr oliuer medegin+
yaeth ỽrth y collet hỽnnỽ am+
gen no|e dial yn vuan. gan gan+
horthỽy duỽ nytd annodir y di+
al yntev. ac ar hynny dyrchaf+
el ˄y gledyf yn ỽaetlyt vch y benn. a ch+
yrchu cliborin o|e laỽn aruaeth
ac ny chauas y gledyf neb go+
hir. nac yn aruev nac yn|y gỽr
nac yn|y march yny vuant yn
dỽy rann. ac yn ol hỽnnỽ llad
alfacet. a hen vlaccant. ac ar
vn tu. llad seith ỽyr yn dial yr
vn. ac yn ol hỽnnỽ Maldabrỽn
y pagan enỽiraf. ac a|dyỽedei
gaffel ohonaỽ gynt caeruslem
trỽy vrat ar dinev gỽaet oho+
naỽ trỽy greulonder yn temyl
y|padriarch. a|brathu y|varthu y
varch a|oruc ac yspardunev. a
chyrchu samson a gleif a|e vra+
thu trỽy y aruev. a|thrỽy·daỽ
e|hun yny vyd y ar y varch y|r
llaỽr yn varỽ. ac|r eneit detỽyd
hagen yn kerdet ar vuched di+
dramgỽyd. A|phan ỽelas rolon
samson yn varỽ. dolur a gymer+
th y·gyt a|llit. a|brathu y varch
y|gyrchu yr anfydlaỽn y ar|y yst+
lys a|e daraỽ o|e wregys y|vynyd
trỽy y aruev a thrỽydaỽ e|hun
hyt y|llaỽr. ac o|wregys y|ỽae+
ret yn marchogaeth y march
ac yna heuyt y|collet ansel gỽr
grymus o freinc. a|e eneit a gyr+