Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 49r

Owain

49r

225

*a diffeithỽch. a dẏwanu ẏn|ẏ diwed
a ỽneuthum ar ẏ glẏn teccaf o|r
bẏt a gỽẏd gogẏfuch ẏndaỽ ac
a·von redegaỽc a|oed ar hẏt ẏ gl  ̷+
ẏn. a|fford gan ẏstlẏs ẏr avon.
a cherdet ẏ fford a ỽneuthum hẏt
hanher dẏd. a|r parth arall ẏ ker  ̷+
deis hẏt prẏt·naỽn. ac ẏna ẏ de  ̷ ̷+
uthum ẏ vaes maỽr ac ẏn diben
ẏ|maes ẏ|gỽelỽn kaer vaỽr llẏ  ̷ ̷+
wẏchedic a|gỽeilgi ẏn gẏfagos
ẏ|r gaer. a|ffarth a|r gaer ẏ deuthum
ac nachaf deu was pengrẏch me  ̷+
lẏn a ractal eur am pen pob vn
o·nadunt. a|ffeis o bali melẏn am
pen pob vn o·nadunt. a dỽẏ win  ̷+
tas o gordwal newẏd am traet pob
vn. a guaegeu eur ar vẏnẏgleu
eu traet ẏn eu kau. a bỽa o ascỽrn
eliffant ẏn llaỽ pob vn o·nadunt
a|llinyneu o ieu hẏd ar·nadunt
a saetheu ac eu peleidẏr o askỽrn
morỽil gỽedẏ eu haskellu ac ada  ̷+
ned paun. a ffenheu eur ar ẏ pe  ̷+
leidẏr. a chẏllell a llafneu eureit
udunt o askỽrn moruil ẏm pob
vn o|r deu not. ac hỽẏnteu ẏn sa  ̷+
ethu eu kẏllẏll. a rẏnnaỽd ẏ ỽrth  ̷ ̷+
unt ẏ gỽelỽn gỽr pengrẏch melẏn
ẏn|ẏ deỽred a|ẏ warẏf ẏn neỽẏd
eillaỽ. a ffeis a mantell o bali me  ̷+
lẏn ẏmdanaỽ. ach* |ysnoden eurllin
ẏn|ẏ vantell a|dỽẏ wintas o gord+
wal brith am ẏ draet a deu gnap
eur ẏn eu kau. a|ffan weleis. i.
efo dẏnessau a|ỽneuthum attaỽ
a|chẏuarch gỽell idaỽ. ac rac daet
ẏ wẏbot kẏnt ẏ kẏuarchaỽd ef.
well ẏmi. no mi idaỽ ef. a dẏfot

226

gẏt a mi a oruc parth a|r gaer.
ac nẏt oed gẏuanhed ẏn ẏ gaer
namẏn a|oed ẏn|ẏ neuad. ac
ẏno ẏd oed pedeir morỽẏn ar|u+
geint ẏn gỽinaỽ pali ỽrth fen+
estẏr. a hẏn a|dẏwedaf ẏtti gei
vot yn debic genhyf bot ẏn de  ̷ ̷+
gach ẏr haccraf o·nadunt hỽẏ.
no|r vorỽẏn deckaf a weleist eir+
oet ẏn ẏnẏs prẏdein ẏr anhar+
daf o·nadunt hardach oed no
gwenhỽẏwar gỽreic arthur
pan uu hardaf eirẏoet duỽ na+
dolic ne duỽ pasc ỽrth offeren.
a chẏfodi a|orugant ragof. a
chwech o·nadunt a gẏmerth vẏ
march ac a|m|diarchenỽẏs. a chỽ+
ech ereill o·nadunt a gẏmerth vẏ
arueu ac a|e golchassant ẏ|mẏỽn
role hẏnẏ oedẏnt kẏn wẏnhet
a|r dim gỽẏnhaf. a|r|drẏded chỽech
a dodassant liein ar ẏ bẏrdeu ac
a arlỽẏassant bỽẏt. a|r petwerẏd
chwech a|diodassant vẏ|lluded+
wisc ac ẏ dodi gỽisc arall ymda+
naf. Nẏt amgen crẏs a|llaỽdẏr
o|r bliant. a|ffeis a sỽrcot a man+
tell o bali melẏn ac orffreis
lẏdan ẏn|ẏ vantell. a|thẏnnu
gobennẏdeu amhẏl a|thudedeu
o|r bliant coch udunt ẏ·danaf
ac ẏ|m kẏlch. ac eiste a orugum
ẏna. a|r chỽech onadunt a|gẏm+
erth vẏ march a|ẏ gorugant
ẏn diwall o|e holl ẏstarn ẏn gys+
tal a|r ẏsgỽeineit* goreu ẏm prẏ+
dein. ac ar hẏnnẏ nachaf kaỽ+
geu arẏant a dỽfẏr y ẏmolchi
ẏndunt a|thỽeleu o wliant gỽẏn

 

The text Owain starts on Column 225 line 1.