Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 57r

Brut y Brenhinoedd

57r

226

1
fodes ymplith y brytanyeit. Mam gadỽa+
2
ladyr oed chwaer vndat a pheanda. a|e
3
mam hitheu oed wreic uonhedic o euas
4
ac ergig. a honno gwedy tagnofedu a phe+
5
anda. a gymerth katwaỻaỽn yn wreic w+
6
ely idaỽ. a gỽedy clefychu katwaladyr me+
7
gys y dywespỽyt uchot. teruysc a vu y+
8
rỽg y brytanyeit e|hunein. a|r ffrỽythla+
9
ỽn wlat a|distrywassant oc eu teruysc. ac
10
ygyt a hynny drycdamwein arall hefyt
11
a deuth udunt. Kanys aball newyn a
12
drycuyt a lynỽys ỽrth y bobyl. Megys
13
nat oed o hoỻ ym·gynhal dim y neb eith+
14
yr y|r neb a aỻei hela y myỽn y diffeith
15
a|r girat newyn hỽnnỽ a|erlynỽys tym+
16
hestlus agheu. ac yn ennyt bychan a dre+
17
ulỽys y bobyl hyt na aỻei y rei buỽ*
18
gladu y|rei meirỽ. ac ỽrth hynny y rei
19
truan a|dihegis yn vydinoed y foynt
20
dros y moroed gan gỽynuan a drycyr+
21
uerth y·dan arffet yr hỽyleu gan dywe+
22
dut yn|y megys hynn. Duỽ ti a|n|rode+
23
ist ni megys deueit a yssit ac a|n|gw+
24
asgereist ymplith y kenedloed. Ac ynteu
25
gadwaladyr e hun y·gyt a|thruan lyg+
26
es yn kyrchu parth a ỻydaỽ y rac·dywe+
27
dedic kỽynuan a dywedei ynteu ar y
28
wed honn. Gỽae ni bechaduryeit.
29
kanys o achaỽs an diruaỽr gamwe+
30
deu ni. o|r rei ny ochelyssam ni godi
31
duỽ hyt tra gafem ni yspeit y benydy+
32
aỽ. ac ỽrth hynny y mae dial y kyfoeth+
33
aỽc uedyant y an diwreidaỽ ninheu oc
34
an|ganedic dayar. ac o tref an tat. o|r
35
ỻe ny aỻyssant na|r yscotteit na|r fichteit
36
na neb o|r amryfaelon bratwyr. namyn
37
yn yscaỽn enniỻ an gỽlat ar·nadunt
38
yr a|delhei o ormessoed pryt nat oed ew+
39
yỻys duỽ inni y pressỽylaỽ yndi yn dra+
40
gywyd. Ef yssyd ỽir vraỽtỽr pan we+
41
las ef nini heb uynu ymchoelut y ỽrth
42
an pechaỽt na gorffowys oc eu gỽneuth+
43
ur. ac nat oed neb a aỻei an gỽrtlad*
44
ninheu oc an teyrnas. ac ynteu yn
45
mynnu cospi y rei ynvyt. ỽrth hynny
46
ef a anuones y irỻoned ef. rac yr hỽnn

227

1
y mae dir inni yn vydinoed adaỽ an
2
priaỽt tref·tat. ac ỽrth hynny y·mchoe+
3
lỽch y rufeinwyr ymchoelỽch yr yscotteit
4
a|r ffichteit ymchoelỽch y saeson bratw+
5
yr. ỻyma ynys prydein yn|diffeith o
6
uar duỽ yr honn ny aỻyssaỽch chwi y
7
diffeithaỽ. Nyt aỽch kedernit chỽi ys+
8
syd yn an gỽrthlad ni. namyn kyfoeth y
9
goruchel urenhin yr hỽnn ny pheidas+
10
sam ni yn|y godi yn wastat. a chan y
11
ryỽ gỽynuan honno y deuth ef y dra+
12
eth ỻydaỽ. ac odyna gyt a|e gynuỻeit+
13
ua y deuth hyt ar alan vrenhin ỻydaỽ
14
nei y selyf. a hỽnnỽ a|e haruoỻes yn
15
enrydedus. ac ueỻy y bu ynys pryde+
16
in vn vlỽydyn ar dec yn diffeith o|e chiỽ+
17
tawtỽyr eithyr ychydic yn ymylyeu
18
kymry a dihagei a arbedassei agheu
19
udunt o|r dyual newyn. a hefyt hyt
20
hynny o yspeit. y buassei y tymestyl a|r
21
abaỻ ar y|saeson heb orffowys. a|r rei
22
a|dihagyssei o|r aruthur pla honno
23
o|r saeson gan gadỽ eu gnotaedic de+
24
faỽt ỽynt a|anuonassant at eu ki+
25
ỽtaỽtwyr y germania y venegi udunt
26
bot ynys prydein yn diffeith heb neb
27
yn|y chyuanhedu. a bot yn haỽd udunt
28
dyfot idi o|e goresgyn. o|r mynnynt y
29
phressỽylaỽ. ac ual y clywssant ỽyn+
30
teu hynny. Brenhines vonhedic a|e+
31
lỽit Sexburgis a gỽedỽ oed honno.
32
A honno a gynuỻỽys aneiryf o am+
33
ylder gynuỻeitua o wyr a gỽraged. ac
34
a|deuth y|r alban y|r tir. a|r gỽladoed dif+
35
feith heb neb·ryỽ pressỽylder yndunt
36
o hynny hyt gernyỽ ỽynt a|e kymeras+
37
sant heb neb a|e gỽarafunei udunt
38
kanyt oed neb yn|y phressỽylaỽ eithyr
39
ychydic wediỻon y|myỽn koetyd kym+
40
ry a|e differei. ac o|r amser hỽnnỽ aỻan
41
y koỻassant y brytanyeit eu ỻywodra+
42
eth ar ynys prydein. ac y dechreuis
43
y saeson y gỽledychu. ac yna gỽedy
44
ỻithraỽ rynnaỽd o amser heibaỽ. ac
45
ymgadarnhau o|r rac·dywededigyon
46
bobyl honno yna. Koffau a|oruc kadw+