Breudwd Welsh Prose 1300-1425
Cymraeg

NLW MS. Peniarth 19 – page 55v

Brut y Brenhinoedd

55v

227

a gyuodynt y|m herbyn. ac a
wrthỽynebynt ym. Ac yna y
dywaỽt hengyst. arglỽyd kan+
hatta ditheu y|th was gỽneu+
thur ar y tir a rodeist ym kym+
meint ac a ymgyrhaedo kar+
rei y|damgylchynu o|e hunty
ual y bo diogelach ymgadỽ
yn hỽnnỽ rac vyg|gelynyon.
kanys fydlaỽn vum ac ỽyf ac
vydaf ytti. a pha beth bynnac
a|wnelỽyf yno yn fydlonder yt+
ti y gỽnaf. a chanhadu a|w+
naeth y brenhin idaỽ hynny.
a gorchymyn idaỽ oỻỽg ken+
nadeu hyt yn germania y
erchi keissyaỽ porth odyno
ac heb vn gohir gohir goỻ+
ỽg kennadeu a|oruc hengyst
hyt yn germania. a chymryt
croen tarỽ a|oruc hengyst
a|e hoỻti yn vn garrei. ac ody+
na ethol y ỻe kadarnaf a aỻei
y gaffel ar y|tir a|rodassit idaỽ.
ac a|r garrei honno messuraỽ
ỻe kasteỻ. a dechreu y adeilyat
yn|diannot. a phan|daruu
adeilyat y|gaer y gelwit kaer
y garrei ỽrth y messuraỽ a|r
garrei. ac yn saesnec tankastyr.
ac yn ỻadin castrỽm corrigie.
ac o|r enweu hynny y gelwit
yr hynny hyt hediỽ. 
A C ymchoelut a|wneth* y
kennadeu o germania

228

a deu·naỽ ỻog yn ỻaỽn o etho+
ledigyon varchogyon aruaỽc
ganthunt. a merch hengyst y+
gyt ac ỽy. Sef oed y henỽ Ronwen.
ac nyt oed yr eil a|gyffelypit
idi rac y thecket. A gỽedy dy+
uot y niuer hỽnnỽ sef a|oruc
hengyst gỽahaỽd gỽrtheyrn
y edrych yr adeil deissyfyt a
ry wnathoedit. ac y|edrych y
marchogyon newyd dyuot. A
gỽedy dyuot y brenhin yno a
niuer bychan ganthaỽ. moli
a|wnaeth y gỽeith newyd. a
chymryt y marchogyon newyd
dyuot yn wyr idaỽ. A gỽedy
daruot udunt vỽyta o vren+
hinaỽl anregyon. nachaf y
vorỽyn yn|dyuot o|r ystaueỻ a
gorvlỽch eur yn|y ỻaỽ yn ỻaỽn
o win. ac yn dyuot rac bronn
y brenhin. a gỽedy adoli idaỽ
ar|dal y deulin a|dywedut ỽrth+
aỽ ual hynn. Lofyrt kig wassa+
el. A phan weles y brenhin pryt
y vorỽyn enryuedu a|oruc yn
uaỽr y thecket. ac yn|y ỻe ym+
lenwi o|e charyat. a|govyn y|r
Jeithyd beth a|dywedassei y vorỽ+
yn. a phy beth a|dylyei ynteu y
dywedut yn atteb idi hitheu. Ac
yna y|dywaỽt y Jeithyd ỽrthaỽ.
Arglỽyd heb ef hi a|th elwis di
yn arglỽyd ac yn vrenhin yn|y
ieith hi. ac veỻy y|th anrydedaỽd.