Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 116v

Ystoria Carolo Magno: Can Rolant

116v

229

rỽymaỽ gỽenỽlyd ỽrth petỽ+
ar reuaỽc meirch cadarnnaf
o|r llu. a dodi petỽar gỽyr arna+
dunt o|e e kymell y bedeir ban
y byt. pob vn onadunt yg|gỽr+
thỽyneb o|e gilyd. ac velly y ka+
uas gỽenỽlyd y aghev. Ac y+
na iraỽ a|orugant galaned
y gỽyr enỽaỽc oll. a myrr. ac
a balsami. ereill onadunt a|ha+
llỽyt a|halen. ac a|ducpỽyt
ymdeith odyna. Ereill onad+
dunt a gladỽyt yno. Ereill a
ducpỽyt y|freinc. ac yd oed dỽ  ̷+
y vynỽent bennadur kyssegre+
dic. vn yn|yr alatten. gỽedy y
chyssegru o seith escyp. ac yn
yr rei hynny y cladỽyt y|rann
vỽyhaf o|r calaned. A chorff
rolond a|dỽcpỽyt yn enrydedus
hyt ym blif. ac yn eglỽys se  ̷+
int rỽmin y cladỽyt a|barassei
e|hun y hadeilat. a chanhonỽyr
a ossodet yndi. a|e gledyf a osso+
det vch y benn. a|r eliffant y
gornn a|rodet is y|traet yn lle
vchel. yr enryded idaỽ a|moly  ̷ ̷+
ant. a|chlot. a gỽedy daruot
hynny y|rodes charlymaen deu+
deg|mil o vgeinev o aryant. a|r
riuedi o vyssanev eur. a|gỽisco  ̷+
ed anrydedus. a bỽyt. a|diaỽt.
yn didlaỽt y aghenogyon. a|r
tir a|r dayar a|r seith milltyr yg
kylch eglỽys seint rỽmin. a|r
castell. a|r llys. ac a|berthynei

230

ỽrthunt a|r mor heuyt a|hynny
oll o garyat rolond. ac ef a|ro+
des y ganhonỽyr y lle hỽnnỽ. na
bei arnadunt neb ryỽ geithi+
ỽet vydaỽl namyn rodi dillat
vn ỽeith bop blỽydyn rac eneit
rolond. kyfenỽ y dyd y llas. y dec
achennaỽc ar|hugeint. ac eu
porthi y|nos honno. a chanu
dec sallỽyr ar hugeint. a dec
offeren ar|hugeint yn anry+
ded y rolond. a|r niuer a verth+
yrỽyt y·gyt ac ef yn|yr yspaen
val y|bydynt rannaỽc ar|y coro+
nev. ac ỽynt adaỽssant ar eu
llỽ ỽneuthur hynny. ac ar
hynny yd aeth charlymaen o
vlif hyt yn vien. ac yno y bu
yn gorphyỽys ychydic yn kym+
ryt medyginaeth o|e glỽyfy+
ev. a|e vrathev. ac odyna yd
aeth y|baris. ac yna y goruc
kỽnsli yn seint ynys. a|e tyỽy+
ssogyon. ac esgyb yn eglỽys se+
int dynys yn diolỽch y duỽ a|r
sant y|nerth. a|r grym a|rodas+
sei idaỽ y estỽg y pagannyeit.
ac yna y rodes ef holl freinc
yn darestyngedic y|seint ynys.
val y rodassei baỽl ebostyl. a|ch+
lemens bap. a orchymynnessynt
gynt y|r brenhined. a|r tyỽysso+
gyon vuydhav y|r eglỽys
honno. a rodi pedeir keinnaỽc
bop blỽydynn o bop ty y adeilat
yr eglỽys. ac y gellygaỽd pob