Philadelphia MS. 8680 – page 26r
Brut y Brenhinoedd
26r
21
bysgaỽt yssyd yndi.
Ac eithyr y perueduor
yd eir drostaỽ y freinc.
Teir auon bonhedic
yssyd yndi. nyt amgen
temys. a humur. a|haf+
ren. a rei hynny megys
teir breich y maent yn
rannu yr ynys. Ac ar
hyt y rei hynny y deu+
ant amryuael gyfneỽi+
dyeu o|r gỽladoed tramor.
Ac ygyt a hynny gynt
yr oed yndi wyth prif di+
nas ar|hugeint yn|y
theckau. a rei onadunt
hediỽ yssyd diffeith gỽe+
dy diwreidaỽ y muroed
yn|waỻus. ac ereiỻ etỽa
yn|seuyỻ yn iach. a the+
mleu seint yndunt yn
moli duỽ. a muroed a
chaeroed arderchaỽc yn
y teckau. Ac yn|y tem+
leu kenueinoed o wyr
22
a gỽraged. a chỽuenno+
ed yn|talu gỽassanaeth
dylyedus yn amseroed
keugant y eu creaỽdyr
yn herỽyd cristonogaỽl
ffyd. ac o|r|diwed pump
kenedyl yssyd yn|y chy+
uanhedu. Nyt amgen
normanyeit. a brytany+
eit a|saeson. a ffichtyeit.
ac ysgottyeit. ac o|r rei
hynny oỻ yn gyntaf
y brytanyeit a|e gỽledy+
chỽys o vor|rud hyt ar
uor Jwerdon hyt pann
deuth dial y gan duỽ ar+
nadunt am|eu|syberỽyt
y gan ffichtyeit a|r|saeson.
ac megys y deuthant
y gormessoed hynny.
ni a|e damlywychỽn rac
ỻaỽ. Yma y teruyna y
E neas [ prolog
ysgỽydwyn gỽedy
daruot ymladeu troea a
| « p 25v | p 26v » |