Breudwd Welsh Prose 1300-1425
Cymraeg

NLW MS. Peniarth 19 – page 56v

Brut y Brenhinoedd

56v

231

aruoỻes gỽrtheyrn yn|ỻaw+
en. ac a anrydedaỽd paỽb o+
nadunt yn|y ỻe o rodyon
maỽrweirthyaỽc. kanys ym+
pob kyfrangk y bydei orvyd+
aỽdyr trỽydunt. Ac ueỻy beu+
nyd yd achwaneckaei hen+
gyst y lu drỽy dỽyỻ a brat
ganedic ganthaỽ. A gỽedy
adnabot hynny o|r brytany+
eit. daly ofyn a|wnaethant.
ac erchi y|r brenhin eu gyrru
o|deyrnas ynys brydein. kan+
ny wedei y gristonogyon ym+
gedymdeithockau a phaga+
nyeit. Rac ymgymyscu ac
ỽynt. kanys kyfreith a ded+
yf gristonogaỽl a|e gỽahard+
ei. ac ygyt a|hynny kymeint
oed eu niuer. ac nat oed haỽd
adnabot pỽy a vei gristaỽn
pỽy a|vei bagan. Ac ygyt
a hynny seint garmon es+
gob a orchymynassei udunt
deth˄ol y paganyeit saesson
o|e plith. ac eissyoes sef a|w+
naeth gỽrtheyrn o garyeit*
ar y wreic a|r saesson ysgae+
lussaỽ y brytanyeit. A phan
weles y brytanyeit hynny.
Sef a|wnaethant ỽynteu
ym·adaỽ a gỽrtheyrn. a chym+
ryt gỽrthevyr vendigeit y
vab ynteu a|e|urdaỽ yn vren+
hin arnadunt. a|dechreu ym+

232

lad a|r saesson. a gỽneuthur
aeruaeu maỽr creulaỽn o+
nadunt. A phedeir brỽydyr
a vu y·rỽg gỽrthefyr a|r saeson.
ac ym·pob vn y goruu ef drỽy
nerth duỽ. yr ymlad kyntaf
a|vu y·rygthaỽ ac ỽynt ar
auon derỽenyd. a|r eil a vu
ar ryt epiffort. Ac yna yd
ymgyfaruuant kyndeyrn
uab gỽrtheyrn a hors braỽt
hengyst. ac y ỻadaỽd bop un
o·honunt y gilyd. Y trydyd
ymlad a vu ar lann y mor.
Ac yna y foes y saesson yn
wreigyaỽl y eu ỻogeu. ac yd
aethant hyt yn ynys tanet
y geissyaỽ ymgadỽ yno. Ac
eissyoes gỽedy eu damgylch+
ynu o wyrthevyr. ac eu blinaỽ
o beunydyaỽl ymlad mal na
eỻynt y diodef. Sef a|wnaeth+
ant anuon gỽrtheyrn a vu+
assei gyt a|r saeson yn borth
udunt ym·pob brỽydyr. att
wyrtheuyr y vab y erchi idaỽ
kanhadu udunt. mynet y
eu gwlat yn|ryd. A thra yttoe+
dynt ym* kymryt eu kyghor
amdanunt. Sef a|wnaethant
kymryt eu ỻogeu ac adaỽ eu
gwraged ac eu meibyon a|fo
hyt yn germania. 
A  Gỽedy kaffel o wyrthe+
vyr y vudugolyaeth honno