NLW MS. Peniarth 4 (The White Book of Rhydderch, part 2) – page 50v
Owain
50v
231
ẏ ar varch purdu a|gỽisc o bali
purdu ẏmdanaỽ ac ẏstondard
o vliant purdu ar ẏ waẏỽ. a|th
gẏrchu a ỽna ẏn gẏntaf ẏ|gallo.
o ffoẏ di racdaỽ efo a|th ordiwed
os arhoẏ ditheu efo a|thi ẏn var ̷+
chaỽc ef a|th edeu ẏn bedestẏr.
ac onẏ cheffẏ di ẏno ouut nẏt
reit ẏtti amouẏn gouut tra
vẏch vẏỽ. a chẏmrẏt ẏ fford
a orugum hẏnẏ deuthum ẏ
ben ẏr allt. ac odẏno ẏ|gwelỽn
val ẏ managassei ẏ gỽr du ẏm.
ac ẏ emhẏl ẏ pren ẏ doethum.
a|r ffẏnhẏaỽn a|welỽn dan ẏ
pren a|r llech varmor ẏn|ẏ em ̷+
hẏl. a|r kaỽc arẏant ỽrth ẏ|ga ̷+
dỽẏn. a chẏmrẏt ẏ kaỽc a oru ̷+
gum a bỽrỽ caỽgeit o|r dỽfẏr
am ben ẏ llech. ac ar hẏnnẏ
na·chaf ẏ|tỽrẏf ẏn dẏfot ẏn
wỽẏ ẏn da noc ẏ|dẏwedassei
ẏ gỽr du. ac ẏn ol ẏ tỽrẏf ẏ
gawat. a diheu oed genhẏf i
gei na|diaghei na dẏn na llỽ ̷+
dẏn o|r a ordiwedei y gawat ẏn
wẏỽ kanẏ orssauei vn kẏnllẏs ̷+
kẏn o·honei ẏr croen nac ẏr
kic. hẏnẏ attalei ẏr ascỽrn. ac
ẏmchoelut pedrein vẏ march
ar ẏ gawat a orugum. a dodi
sỽch vẏn tarẏan ar ben vẏ
march a|e wỽg. a dodi ẏ|barẏf ̷ ̷+
len ar vẏm phen vẏ hun. ac
ẏ·vellẏ porth ẏ|gawat. ac val
ẏd oed vẏ eneit ẏn mẏnnu
mẏnet o|r corff ẏ peidẏaỽd ẏ
cawat. a|ffan edrẏchaf ar ẏ
pren nẏt oed vn dalen arnaỽ.
232
ac ẏna ẏd hinones. ac ẏna nachaf
ẏr adar ẏ|discẏnnu ar ẏ pren ac
ẏn dechreu canu. a hẏspẏs ẏỽ
genhẏf i gei na chẏnt na gỽedẏ
na chigleu gerd gẏstal a|honno
eirmoet. a|ffan vẏd digrifhaf gen ̷+
hẏf gwarandaỽ ar ẏr adar ẏn ca ̷+
nu. nachaf tuchan ẏn dẏfot ar hẏt
ẏ dẏffrẏn parth ac attaf a|dẏwe ̷+
dut ỽrthẏf. ha warchaỽc heb ef
beth a holut ti ẏmi. pa drỽc a|digo ̷+
neis i ẏtti pan ỽnelut titheu ymi
ac ẏ|m kẏfoeth a|ỽnaethost hediỽ.
ponẏ ỽẏdut ti nat edewis ẏ gaỽat
hediỽ na dẏn na llỽdẏn ẏn vẏỽ
ẏ|m kẏfoeth o|r a gafas allan. ac
ar hẏnnẏ nachaf varchaỽc ar va ̷+
rch purdu a gỽisc purdu o bali
ẏmdanaỽ ac arỽẏd o vliant pur ̷+
du ar ẏ vaẏỽ. ac ẏmgẏrchu a|or ̷ ̷+
ugum a|chẏn bei drut hẏnnẏ
nẏ bu hir hẏ·nẏ|m bẏrẏỽẏt i ẏ|r
llaỽr. ac ẏna dodi a|oruc ẏ march ̷+
aỽc arllost ẏ vaẏỽ trỽẏ awỽẏn+
eu ffrỽẏn vẏ march i. ac ẏmdeith
ẏd aeth ef a|r deu varch ganthaỽ
a|m hadaỽ inheu ẏno. Nẏ ỽnaeth
ẏ gỽr du o vaỽred ẏmdanaf i kẏ ̷+
meint a|m|karcharu inheu. nẏt
ẏspeilỽẏs ẏnteu vi. a dẏfot a
orugum inheu tam tra|m|kefẏn
ẏ|r fford ẏ deuthum gẏnt. a|ffan
deuthum ẏ|r llannerch ẏd oed
ẏ gỽr du ẏndi. a|m kẏffes a|dẏ ̷+
gaf ẏtti gei maẏ rẏwed na tho ̷+
deis ẏn llẏn taỽd rac kẏwilẏd
gan a gefeis o vatwar gan ẏ
gỽr du. ac ẏ|r gaer ẏ buassam
ẏ nos gẏnt ẏ deuthum ẏ noss honno.
| « p 50r | p 51r » |