Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 59r

Brut y Tywysogion

59r

234

bu varỽ coruaỽc brenhin. ac escob
hoỻ Jwerdon gỽr maỽr y grefyd a|e gar+
daỽt. Mab y guleuan a las o|e vod y
myỽn brỽydyr. ac y bu uarỽ keruaỻt
uab muregan brenhin langesy o keu+
gant diwed. ac y bu uarỽ asser ar+
chescob ynys prydein a chadeỻ uab
rodri. Deg mlyned a naỽ cant o+
ed oet crist pan deuth o·ther y ynys
prydein. ac y bu uarỽ anaraỽt uab ro+
dri brenhin y brytanyeit. ac y diffeith+
ỽyt Jwerdon a mon y gan bobyl du+
lyn. ac y bu uarỽ edelflet vrenhines.
ac y ỻas clydaỽc uab cadeỻ y gan
ueuruc y vraỽt. ac y bu uarỽ nercu
escob. ac y bu weith y dinas neỽyd.
Ugein mlyned a naỽcant oed oet crist
pan aeth howel da vrenhin vab kadeỻ
y rufein. ac y bu uarỽ elen. Deg mly+
ned ar|hugein a naỽcant oed oet crist
pan las gruffud ap owein y gan w+
yr keredigyaỽn. ac y bu ryfel brun
ac y bu uarỽ hennyrth uab clydaỽc
a meuruc y vraỽt. ac y bu varỽ edel+
stan brenhin y saeson. Deugein
mlyned a naỽcant oed oet crist. pan vu
uarỽ abloyc vrenhin. a chadeỻ uab
archuael a ỽenỽynỽyt. ac Jdaỽl uab
rodri. ac elifed y vraỽt a|las y|gan y sae+
son. ac y|bu uarỽ lỽnbert escob escob
mynyỽ. ac ussa uab ỻaỽr. a morch·eis
escob bangor a vuant ueirỽ. a chyngen
uab elised a|wenỽynỽyt. ac eueurys
escob mynyỽ a vu uarỽ. Ẏstrat clut
a|diffeithỽyt y gan y|saeson. a howel
da uab kadeỻ vrenhin penn a moly+
ant yr hoỻ vrytanyeit a|vu uarỽ. a|cha+
dỽgaỽn uab owein a|las y gan y sae+
son. ac yna y b˄u weith carno rỽg mei+
bon howel a|meibon Jdwal. Deg
mlyned a|deugein a naỽcant oed oet
crist pan diffeithaỽd Jago a Jeuaf
meibon Jdwal dyfet dỽy·weith. ac y+
na y bu uarỽ dyfynwal a rodri meibon
howel. ac yna y bu ladua uaỽr rỽg
meibon Jdwal. a meibon|Howel yg|gw+

235

eith conỽy yn LLan ỽrst. Ac y ỻas hir
maỽr ac anaraỽt y gan y pobloed.
Meibon oed y rei hynny y ỽrpat. a gỽe+
dy hynny y diffeithỽyt keredigyaỽn
y gan ueibon Jdwal. ac y bu uarỽ etw+
in uab howel. ac y|bodes hayardur uab
Mer·vyn. ac y ỻas congalach brenhin
Jwerdon. a gỽgaỽn uab gỽryat. ac
y bu yr haf tessaỽc. ac y bu diruaỽr
eira vis maỽrth. a meibon Jdwal
yn|gỽledychu. ac y diffeithaỽd meibon
abloec gaer gybi a ỻeyn. Trugein
mlyned a naỽ cant oed oet crist.
pan las Jdwal uab rodri. ac y ỻas
meibon gỽynn. ac y diffeithỽyt y ty+
wyn y gan y pobloed. ac y bu uarỽ
Meuruc uab catuan. a ryderch es+
cob. a chadwaỻaỽn uab owein. ac
yna y|diffeithaỽd y saeson. ac aluryt
yn tywyssaỽc udunt vrenhinyaetheu
meibon Jdwal. ac y ỻas rodri
uab Jdwal. ac y diffeithỽyt aberffraỽ
a gỽedy hynny y deỻis Jago uab
Jdwal Jeuaf uab Jdwal y vraỽt.
ac y carcharỽyt Jeuaf. a gỽedy
hynny y croget. ac yna y diffeithỽyt
gỽhyr y gan einaỽn uab owein.
ac y diffeithaỽd Marc uab herald
benmon. Deg mlyned a thrugein
a naỽ cant oed oet crist pan diffeith+
aỽd gotbric uab herald von. ac o
uaỽr ystryỽ y darestygaỽd yr hoỻ y+
nys. ac yna y kynnuỻaỽd edwart
brenhin y saeson diruaỽr lyges hyt
yg|kaer ỻion ar ỽysc. ac y gỽrthlad+
ỽyt Jago o|e gyfoeth. ac y gỽledych+
aỽd howel drỽy uudugolyaeth. ac y
clefychỽyt Meuruc uab Jdwal. ac
y bu varỽ Morgan. ac yna y bu ua  ̷+
rỽ edgar vrenhin y saeson. ac y da  ̷+
eth dỽnwaỻaỽn vrenhin ystrat
clut y rufein. ac y bu uarỽ Jdwaỻa+
ỽn uab einaỽn. ac eil·weith y diffei+
thaỽd einaỽn ỽhyr. ac y diffeithỽyt
ỻỽyn kelynaỽc uaỽr y gan howel
vab Jeuaf a|r|saeson. ac yna y delit