Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 64v

Brut y Tywysogion

64v

256

dyỽaỽt Nest ỽrthaỽ. Na|dos aỻan
heb hi y|r drỽs. kanys y·no y mae dy
elynyon y|th aros. namyn dyret y|m ol
i. a hynny a|wnaeth ef. a hi a|e h·arwe+
daỽd ef hyt yg|geudy a|oed gysseỻ+
tedic ỽrth y casteỻ. ac yno megys y
dywedir y dihegis. a|phan wybu nest
y dianc ef ỻefein a|oruc a|dywedut
ỽrthaỽ Y gỽyr yssyd aỻan beth a
lefỽch yn ofer. nyt yttiỽ yma y neb
a|geissỽch. neur dihegis. a gỽedy eu
dyuot ỽynteu y myỽn. y geissaỽ a|o+
rugant ym·pop mam*. a gỽedy na|s
caỽssant. Dala nest a|ỽnaethant
a|e deu vab a|e merch. a mab idaỽ yn+
teu o garatwreic. ac yspeilaỽ y casteỻ
a|e anreithaỽ. a gỽedy ỻosgi y kasteỻ
a chynuỻaỽ anreith a chytyaỽ a nest
ymchoelut a|ỽnaeth y wlat. ac nyt
yttoed kadỽgaỽn y dat ef yn gedrycha+
ỽl yna yn|y wlat. kanys ef a|athoed
y powys ỽrth hedychu y rei a|odynt
yn an·uhyn ac a|athoedynt y ỽrth o+
wein. a|phan gigleu kadỽgaỽn y  ̷
gỽeithret hỽnnỽ. kymryt y drỽc ar+
naỽ gan sorri a|oruc ef hynny o ach+
aỽs y treis kyt a|wnathoedit a nest
verch rys. ac rac ofyn ỻidyaỽ o henri
vrenhin am|sarhaet y ystiwart. ac
yna ymchoelut a|oruc a cheissaỽ
talu y wreic a|e anreith y eralt ys+
tiwart drachefyn y gan owein ac
ny|s cafas. ac yna o ystryỽ y wreic
a|oed yn|dywedut ỽrth o·wein ual hynn.
O mynny uyg|kael. i. yn|ffydlaỽn
ytt a|m kynnal gyt a|thi. hebrỽg
vym plant att eu tat. ac yna o dra+
serch a|charyat y wreic y geỻyga+
ỽd y blant y|r ystiwart. a phan gig+
leu Rickart escob ỻundein hynny
y gỽr a|oed yna ystiwart y henri
vrenhin yn amỽythic. Medylyaỽ a|o+
ruc dial ar oỽein sarhaet geralt. ys+
tiwart. a galỽ attaỽ a|wnaeth. Jthel
a Madaỽc. Meibon ridit uab bledyn
a|dywedut ỽrthunt ual hynn. a vyn+

257

nỽch chỽi regi   bod y henri   vrenhin
a chaffel y garyat a|e gedymdeithas yn
dragywydaỽl. ac ef a|ch maỽrhaa yn
bennach no neb o|ch kyttirogyon. ac a
gyghorvynna ỽrthyỽch ych kyt·teruyn+
wyr o|ch hoỻ genedyl. ac atteb a|ỽnaeth+
ant. mynnỽn heb ỽynt. Eỽch chỽith+
eu heb ef a delỽch Owein uab kadỽ+
gaỽn os geỻỽch. ac ony|s geỻỽch gỽr+
thledỽch o|r wlat ef a|e dat. kanys ef
a|ỽnaeth cam a sarhaet yn erbyn y bren+
hin. a diruaỽr goỻet y eralt ystiỽart
y wahanredaỽl gyfeiỻt. am y wreic a|e
blant a|e gasteỻ. a|e yspeil a|e anreith.
a minheu a|rodaf gyt a chỽi fydlonny+
on gedymdeithon. Nyt amgen ỻyw+
arch uab trahayarn y gỽr a ladaỽd ow+
ein y vrodyr. ac uchtryt uab etwin.
ac wynteu gỽedy credu yr edewidyon
hynny a gynuỻassant lu. ac a|aethant
y·gyt ac a|gyrchassant y wlat. ac
vchtrut a anuones kenadeu y|r w+
lat y venegi y|r kiỽtaỽtwyr pỽy byn+
nac a|gilyei attaỽ ef y kaffei amdif+
fyn. a rei a gilyassant attaỽ ef. e+
reiỻ y arỽystli. ereiỻ y vaelenyd. e+
reiỻ y ystrat tywi a|r rann vỽyaf y
dyfet yd|aethant y|r ỻe yd oed geralt
yn vedyanus. a|phan yttoed ef yn myn+
nu eu diua ỽynt. ef a|damỽeinaỽd dy+
uot Gỽaỻter uchel·uaer kaer loyỽ
y gỽr a|orchymynnassei y brenhin idaỽ
ỻywodraeth ac amdiffyn ỻoeger hyt
yg|kaer vyrdin. a|phan|gigleu ef hyn+
ny eu hamdiffyn a|oruc. a|r rei o·nadunt
a|gilyaỽd y arỽystli. ac y kehyrdaỽd gỽyr
maelenyd ac ỽynt ac y ỻadassant.
a|r rei a gilyaỽd att vchtrut a dihag+
assant. a|r rei a|gilyaỽd y ystrat tywi
Maredud uab ryderch a|e har·uoỻes
yn hegar. Kadwgaỽn ac owein a fo+
assant ˄i long a|oed yn aber dyfi. a|dath·oed o
Jwerdon y·chydic kyn no hynny a
chyfnewit yndi. ac yna y|deuth Ma+
daỽc a|e vraỽt yn erbyn vchtrut hyt
yn ryt cornuec. ac yno pebyỻyaỽ a|o+