Breudwd Welsh Prose 1300-1425
Cymraeg

NLW MS. Peniarth 19 – page 62v

Brut y Brenhinoedd

62v

255

dirgeledigaetheu y moroed.
a freingk rac ofyn a|ergryna.
Odyna y kerda ederyn o lỽyn
y kaladyr. yr|hỽnn a|gylchyn+
na yr ynys dỽy vlyned. O nos+
saỽl lefein y geilỽ yr adar. A
phob kenedyl adar a gedym+
deithockaant idi. Yn diwhyỻ
y rei marỽaỽl y ruthrant. a
hoỻ raỽn yr yt a lyngkant.
Odyna y|daỽ newyn y|r bobyl.
ac yn ol y newyn girat ageu.
Pan orfoỽysso y veint dru+
an honno. y kyrch yr ysgym+
un edyn hỽnnỽ glynn gala+
bes. Odyna yd ymdrycheif
ym mynyd goruchel. Ym+
penn hỽnnỽ y planna dar. ac
yn|y cheingeu y gỽna y nyth.
Tri|wy a|dydỽ yn|y nyth. o|r
rei y byd ỻỽynaỽc a bleid ac
arth. Y ỻỽynaỽc a lỽngk y
vam. a phenn assen a|vyd ar+
naỽ. ac yny bo kymeredic
aghygyl yd aruthra y vrodyr.
ac y ffy hyt yn flandrys neu
normandi. A gỽedy kyffro+
ont ỽynteu y baed ysgithra+
ỽc yd ymchoelant o vordỽy
y wneuthur dadleu a|r ỻỽy+
naỽc. Pan|el ynteu y|r|dad+
leu yd ymwna yn varỽ. ac
enwired y baed a|gyffroa. Yn|y
ỻe y kyrch ynteu y gelein. a
phan|del yỽch y benn y chwyth

256

yn|y wyneb a|e lygeit. Sef a|w+
na y ỻỽynaỽc heb ebryuygu
y gnottaedic vrat. temigyaỽ y
droet assỽ. a|e diwreidyaỽ oỻ o|e
gorf. yd ysglyff ynteu y clust
deheu y|r ỻỽynaỽc a|e losgỽrn
gan neidyaỽ drachefyn. ac yg
gofeu* y mynyd yd ymdirgela.
ỽrth hynny baed tỽyỻedic a
geis y bleid a|r arth y eturyt
idaỽ y goỻedigyon aelodeu. y
rei gỽedy elont yn|dadleu a|adaỽ+
ant deudroet a chlust a ỻos+
gỽrn. ac o|r rei hynny gỽneuthur
aelodeu hỽch idaỽ. Darostỽg
a|wna ynteu y hynny. ac aros
y edewit. Yn hynny y disgyn
y ỻỽynaỽc o|r mynyd ac yd
ymritha yn vleid. a mynet
a|wna y gyfrỽch a|r|baed. Ac
yn ystrywys y ỻỽngk yn gỽbyl.
Odyna yd ymritha yn vaed.
ac megys heb aelodeu yd ery
y vrỽydyr. ac eissyoes gỽedy de+
lont o deissyfyt deint y ỻad. ac
o benn y ỻeỽ y coronheir hi. Yn
dydyeu hỽnnỽ y genir sarf.
ac a ymdywynnic yn agheu y|r
rei marwaỽl. O|e hyt ef y
kylchyna ỻundein. ac a|el hei+
byaỽ a lỽngk. yr ych mynyd+
aỽl a gymer bleid. a|e danned
a|wynhaa yg|gỽeith mor haf+
ren. Ef a|gedymdeithockaa idaỽ
kenueinyoed y gogled a|chym+