Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 123v

Ystoria Bown de Hamtwn

123v

257

itt trigyaỽ gartref no dyuot yma.
Ac ymchoelut at y gedymdeithon
a dyỽedut ỽrthunt arglỽydi bydỽn
da kanys ni a gaỽssam dechreu da
ac nyt oes na ffrỽyth na nerth
yn y bopyl a|welỽch racco. a|hỽ  ̷ ̷+
ynteu nifer bradmỽnd a|fu
argyssỽr maỽr arnunt o welet
llad eu hystondardỽ rac eu bron
a|r gleỽaf onadunt a|fynnei y
uot gartref. yna ymgyrchu a
ỽnaethant. ac ar yr ymgyuaruot
kyntaf ef a las petwar|cant o|wyr
bradmỽnd. a|guedy hynny boỽn
a dynnaỽd moglei y|gledyf ac
ysgathru ac ef vegys paladurỽr
yn llad y|weirglaỽd penneu y|a  ̷ ̷+
lon ac eu dỽylaỽ a|e breicheu a
fob kyfryỽ aylaỽt o|r a|gyuarfei
ac ef a|e gedymdeithon. ynteu
yn vychyr leỽ yn llad paỽb o|r a
gyfarfei ac ỽynteu. ac yna y|dyỽ  ̷ ̷+
ot bradmỽnd yn vchel ỽrth y|wyr
lledỽch ini niuer ermin yn ebrỽyd.
ac ony|s lledỽch ny cheỽch o|m da
vyth werth vn notwyd. Sef a|w  ̷ ̷+
naeth boỽn yna glaschwerthin
a dywedut: badmỽnd beth a vyn  ̷ ̷+
neist|i y|r wlat hon ae tybyeit kael
iosian. byd kynt y key dy grogi ỽrth
y iubet. pony wely dy daruot llad
can|mỽyaf dy|holl allu. beth a|dre  ̷ ̷+
ithir yghwanec. kyn hanner dyd
neu|ry|daroed llad holl allu brad  ̷ ̷+
mỽnd ac ynteu e|hunan ac ychydic

258

o niuer y·gyt ac ef yn oledrat ar
hyt dyfryn a|ffoyssant a|deu o wyr
ermin yn|garcharoryon ganthun
a|darpar oed gan bradmỽnd peri
eu bligaỽ yn vyỽ a gỽaethiroed
duỽ na blingỽyt. kanys trallaỽt
braf a|baryssant y boỽn wedy h
hynny. a|guedy gỽybot o boỽn ry
ffo bradmỽnd brathu arỽndel a|r
ysparduneu a|chynt y redaỽd y+
danaỽ noc yd ehettei y|llamysten
neu yr walch pan ehettynt gyn  ̷ ̷+
taf. ac ar hynt ymordiwes a|wna+
eth a bradmỽnd a rodi dyrnaỽt
idaỽ yny dygỽydaỽd ynteu y|r
llaỽr. ac yna disgynnu y boỽn a|e
achub ar vessur llad y ben. Sef a  ̷
wnaeth bradmỽnd dygỽydaỽ ar
ben y lin ac erchi naỽd a|thruga  ̷ ̷+
red a|chynnic y ỽrogaeth idaỽ a daly
ydanaỽ petwar|cant cited a|their
mil y·rỽng kestyll a thyroed a|e holl
gyfoeth y am hynny. Na vynaf.
heb·y boỽn. namyn gỽra ohonot
y ermin a|chynnal dy gyuoeth
ydanaỽ ef o hyn allan. a minneu
a|wnaf hynny yn llawen a rodi
y ỽrogaeth a|e gywirdeb yn llaỽ
boỽn y dallei o hynny allan y+
dan ermin. ac yna y gellygaỽd
boỽn ef o|y wlat a|guaethiroed
na|s lladaỽd. a boỽn a rydhaaỽd
y|ddeu varchaỽc a|oydynt y ghar  ̷ ̷+
char. a|cham a|wnaeth. a guedy
hynny ymhoylut dracheuyn