NLW MS. Peniarth 19 – page 65v
Brut y Brenhinoedd
65v
267
1
di gallu o·honunt ỽy. amdif+
2
fyn gỽrtheyrn. hyt na chaffỽ+
3
yf i cudyaỽ aỽch blaen vyg
4
cledyf inheu yn|y amysgoroed
5
ef. ac ny thebygaf|i na wypych
6
di haedu o·honaỽ ef hynny.
7
kanys o|r hoỻ dynyon ysgy+
8
munedickaf yỽ ef. a theilyg+
9
af o amryuael boeneu. kan+
10
ys yn gyntaf ef a vredycha+
11
ỽd vyn tat i gustennin. ac o+
12
dyna constans vy|mraỽt.
13
yr hỽnn a|oruc ef yn vrenhin.
14
yny vei haỽs idaỽ y vredych+
15
u. ac o|r diwed oỻ drỽy y vrat
16
a|e dỽyỻ gỽedy y vot yn vren+
17
hin. ef a|duc y paganyeit sae+
18
son ar torr y brytanyeit yny
19
aỻei ynteu distryỽ y neb a
20
vei ffydlaỽn y mi. ac eissyoes
21
yny kanhatto duỽ ef e|hun a
22
dygỽyd yn|y magyl. ac yn|yr
23
hoenyn a baratoes ef y|m
24
fydlonyon inheu. kanys gỽ+
25
edy gỽybot o|r saesson y dỽ+
26
yỻ ef a|e enwired. ỽynt a|e
27
bỽryassant ef o|e vrenhiny+
28
aeth yr hynn nyt reit y neb
29
y gỽynaỽ. Hynn yssyd gỽyn+
30
uanus gennyf hefyt. ry dar+
31
uot y|r ysgymunedic bobyl a
32
wahodes yr ysgymun vradỽr
33
hỽnnỽ goresgyn a|diwreidyaỽ
34
y bonhedigyon kiwdaỽtwyr
35
dylyedaỽc. anreithaỽ a|orugant
268
1
y frỽythlaỽn daear. a distryỽ
2
yr eglỽysseu. a dileu y gristo+
3
nogaeth haeach o|r mor y|gilyd.
4
Ac ỽrth hynny yn aỽr y kiwda+
5
ỽtwyr gỽneỽch chỽitheu yn wr+
6
aỽl. a|dielỽch arnaỽ ef yn gyn+
7
taf. drỽy yr hỽnn y|damchwein+
8
yaỽd y|drygeu hynn oỻ. ac ody+
9
na ymchoelỽn yn harueu yn
10
erbyn yn gelynyon. a|rydhaỽn
11
yn gỽlat y gan y gormes. ac
12
ny bu vn gohir drỽy amryua+
13
elyon beiryaneu a|chelvydo+
14
deu yd ymrodassant y geissy+
15
aỽ distryỽ y casteỻ. Ac o|r diwed
16
gỽedy na dygrynoei dim udunt
17
o|r a|wnelynt. ỽynt a rodassant
18
tan yn|y casteỻ. a|gỽedy kaffel o|r
19
tan gosgymon. ny orfoỽyssaỽd
20
yny losges y casteỻ a gỽrtheyrn
21
A |Gỽedy clybot o hen +[ yndaỽ.
22
gyst a|r saesson ereiỻ ygyt
23
ac ef hynny. diruaỽr ofyn a|e
24
dygyrchaỽd. kanys molyant
25
emrys a|e glot a glyỽssynt yn
26
wastat. kanys hyt tra yttoyd ef
27
yn|teruyneu freingk. kymeint
28
oed y nerth a|e gedernyt a|e dew+
29
red a|e leỽder. ac nat oed yr eil
30
gỽr a lauassei ym·gyfaruot
31
yr ymlad ac ef. kanys pỽy|byn+
32
nac a ymgyfarffei ac ef y neiỻ
33
peth a vydei idaỽ. ae ef a|e bỽry+
34
ei y ar y varch. ae ynteu torri
35
y waeỽ yndaỽ. ac ygyt a hynny
| « p 65r | p 66r » |