Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 64r

Purdan Padrig

64r

25

a|thrỽydi y|dugant ef y edrych y|lleod*
tec. ky egluret oed lleuuer y ỽlat a|trei+
glyn ac na|ỽydyn dim ỽrth leuuer yr
heul gan veint eglurder oed yno. E  ̷ ̷+
glurder hanner dyd a|ỽelit yn tyỽy  ̷ ̷+
llu gan eglurder y ỽlat honno. Ny ỽy+
dat ef teruyn a|r|ỽlat honno rac y  ̷ ̷
meint. namyn y parth y deuth y|r porth
y|meỽn. Yr holl ỽlat hagen oed megys
gỽeirglaỽd dec. ac yn hir. a thec oed o
laỽer o vlodeu. a phrỽytheu. a llysseu.
a gỽyd. ac yno y|mynnei ef trigyaỽ
ytra|uei vyỽ yn gỽarandaỽ aroglev
y|rei hynny. Ny doy tyỽyllỽch yno by  ̷ ̷+
yth. canys lleuuer o eglurder y|nef
tragyỽyd a|vydei yno. Yntev a|ỽelei
yno laỽer o dynẏon. gỽyr. a gỽraged.
a|r ny thebygei neb y ỽelet yn|yr holl
vyt. eiroet y|gymeint a|hynny yn vn
gynnulleitua. rei yn|y lle hỽnnỽ. ere+
ill yn lle arall ar ỽahan. a hynny o
baỽp val y|mynhei. a rei o|r vydin honn
a gerdei y|r vydin arall. ac velly o|vn
y|gilyd hyt pan lyỽenhaei y|rei hyn+
ny o|ỽelet y rei ereill. Coreu tec oed
yn seuyll yn|y lleoed hynny. a moly  ̷ ̷+
ant y duỽ a seinei yndunt o gyỽydol+
aethu. a phynckeu melys. a|chymeint
oed y|gỽahan yrỽg adỽynder ỽyneb+
eu rei ohonunt a|rei ereill. o egluder*
a|chyỽeirder eu gỽiscoed. a|r gỽahan
a|vyd rỽg eglurder y seren a|r llall.
rei ohonunt a gỽisc eur ymdanunt.
Ereill. a|phorfor gỽyn a mein gỽerthua+
ỽr glas yndaỽ ymdanunt. FFuryf
eu habyt a|e gỽisc a dangossei pob vn
ohonunt y|r. Marchawc. yn ỽahanredaỽl me+
gys yd aruerynt y gỽiscaỽ yn|yr oes
honn. ae herỽyd anryded. ae herỽyd
vrdas. amgen liỽ hagan* oed ar eu
habit. ac o amgen eglurder y lleỽy+
chynt. Rei ohonunt megys bren  ̷ ̷+

26

hined coronaỽc. y gỽelit. Ereill a dy+
gynt gỽisc eur yn|y dỽylaỽ. Nyt
oed lei hagen tegỽch a digrifuuch
a|ỽelei yr. Marchawc. y rei kyfyaỽn yn|y lle
hỽnnỽ. no hynaỽster a digrifỽch
y kerdeu teckaf. ac ny ellit dyỽe+
dut melyset y clyỽit y kyỽydolae  ̷+
theu seint o|bop parth yn moli duỽ.
Paỽb hagen oed laỽen o|e briaỽt
ewyllys. a|e dedỽydyyt e|hun. a phaỽb
yn drychauel lleỽenyd y|gilyd Nyt
oed reit y|neb ỽrth dim digriuufỽch*
namyn gwarandaỽ hynnaỽster
yr arogleu tec a|glyỽit yno. Ben  ̷ ̷+
digaỽ duỽ a ỽnaei paỽb pan edrych+
ei ar|y. Marchawc. a|llaỽenhav o|e dyuot
yno megys bei kychỽynnei braỽt
idaỽ vdunt o|veirỽ. Ef a|ỽelei atne  ̷+
ỽydhau pob pob peth o|e dyuot ef yno
llaỽen oed baỽp. Sein y seint a|glyỽ+
it yn|y coreu o|bop parth. Nyt oed yno
na gỽres. nac oeruel. na dim a|allei
argyỽedu. na chodyant y|neb. tag  ̷ ̷+
nouedus. a bodlaỽn oed paỽb yno a|he+
gar. Ef a|ỽelas yn|y lle hỽnnỽ a|r  ̷ ̷
ny aallei neb na|e dyỽedut na|e yscri+
uennv. ac yna y dyỽedassant yr ar+
chescyb vrth y. Marchawc. llyma vraỽt o
nerth duỽ y gỽeleist|i yr hynn a|dam  ̷ ̷+
uuneist y|ỽelet yn dyuot. yma y|gỽe+
leist poennev y|pechaduryeit. ac yma
y gỽeleist y gorphỽys yssyd y|rei kyf  ̷ ̷+
yaỽn. Bendigedic vo y creadỽdyr a bry  ̷ ̷+
nỽys paỽb ac a|rodes yti y ryỽ darpar
o|rat a|ỽnaeth yti mynet trỽy y|po+
enev gan ỽastatau yn ffyd. O gare  ̷+
dic yr aỽr honn y|mynnỽn. i. yti ad+
nabot pa|le oed y|gỽelest|i y|poennev
yndaỽ. a|phy ỽlat yỽ y ỽlat vendige+
it honn. O honn y byrryỽyt adaf
yn kysseuyn tat ni o achaỽs keryd
nev gabyl y annufylltat*. Kynn ha  ̷+