NLW MS. Peniarth 4 (The White Book of Rhydderch, part 2) – page 7v
Y gainc gyntaf
7v
27
auore. Je heb heueẏd duỽ a|rỽ ̷+
ẏdhao ragot. a gỽna oet a chẏ ̷+
fnot ẏ del riannon i|th ol. ẏ·rof
i a duỽ heb ẏnteu pỽẏll ẏgẏt
ẏ kerdỽn odẏmma. aẏ uellẏ
ẏ mẏnnẏ di arglỽẏd heb·ẏr
heueẏd. uellẏ ẏ·rof a|duỽ heb+
ẏ pỽẏll. ỽẏnt a gerdassant
trannoeth parth a|dẏuet a
llẏs arberth a gẏrchẏssant
a gỽled darparedic oed ẏno
udunt. Dẏgẏuor ẏ|ỽlat a|r
kẏuoeth a doeth attunt o|r
gỽẏr goreu a|r gỽraged goreu
na gỽr na gỽreic o hẏnnẏ nẏt
edeỽis riannon heb rodi rod
enỽauc idaỽ ae o|gae ae o uo ̷+
drỽẏ ae o uaen guerthuaỽr.
Gỽledẏchu ẏ ỽlat a|ỽnaeth ̷+
ont ẏn llỽẏdannus ẏ ulỽẏ ̷ ̷+
dẏn honno a|r eil ac ẏn drẏ ̷+
ded ulỽẏdẏn ẏ dechreuis gỽ ̷+
ẏr ẏ|ỽlat dala trẏmurẏt ẏ ̷ ̷+
ndunt o ỽelet gỽr kẏmeint
a gerẏnt a|e harglỽẏd ac eu
braỽduaeth ẏn dietiued a|e
dẏuẏnnu attunt a|ỽnaeth+
ont. Sef lle ẏ doethont ẏgẏt
y bresseleu ẏn dẏuet. argl ̷+
ỽẏd heb ỽẏnt ni a|ỽdom na
bẏdẏ gẏuoet ti a rei o|ỽẏr
ẏ|ỽlat honn ac ẏn ouẏn ni
yỽ na bẏd it etiued o|r ỽreic
ẏssẏd gennẏt. ac ỽrth hẏn ̷+
nẏ kẏmmer ỽreic arall y bo
ettiued yt ohonei. nẏt bẏth
28
heb ỽẏnt ẏ|perheẏ di a chẏt
kerẏch di uot ẏ·uellẏ nẏ|s dio ̷+
defỽn ẏ gennẏt. Je heb·ẏ|pỽẏll
nẏt hir ettỽa ẏd ẏm ẏ·gyt a|lla+
ỽer damỽein a|digaỽn bot.
oedỽch a mi hẏnn hẏt ẏmpen
ẏ ulỽẏdẏn a blỽẏdẏn ẏ|r amser
hỽnn ni a|ỽnaỽn ẏr oet ẏ|dẏuot
ẏ·gẏt ac ỽrth ẏch kẏnghor ẏ|bẏ ̷+
daf. Yr oet a|ỽnaethant. kẏnn
dẏuot cỽbẏl o|r oet mab a anet
idaỽ ef. ac ẏn arberth ẏ ganet.
a|r nos ẏ ganet ẏ|ducpỽẏt gỽ ̷ ̷+
raged ẏ ỽẏlat ẏ mab a|ẏ uam.
Sef a|ỽnaeth ẏ gỽraged kẏscu
a mam ẏ mab riannon. Sef ri ̷+
uedi o|ỽraged a ducpỽẏt ẏ|r ẏsta ̷ ̷+
uell hỽech ỽraged. gỽẏlat a ỽna ̷+
ethont ỽẏnteu dalẏm o|r nos.
ac ẏn hẏnnẏ eissỽẏs kẏn han ̷+
ner noss kẏscu a|ỽnaeth paỽb
ohonunt a|thu a|r|pẏlgeint def ̷ ̷+
froi. a|phan deffroẏssant. edrẏch
a orugant ẏ lle ẏ dodẏssẏnt ẏ
mab. ac nẏt oed dim ohonaỽ
ẏno. Och heb vn o|r gỽraged.
neur golles ẏ mab. Je heb arall
bẏchan a|dial oed ẏn lloski ni
neu ẏn|dienẏdẏaỽ am ẏ mab.
a oes heb un o|r guraged kẏng ̷ ̷+
hor o|r bẏt am hẏnn; oes heb a ̷ ̷+
rall mi a ỽnn gẏnghor da heb
hi. beth ẏỽ hẏnnẏ heb ỽẏ. Gell ̷+
ast ẏssẏd ẏma heb hi a|chanaỽ ̷+
on genti lladỽn rei o|r canaỽon
ac irỽn ẏ|hỽẏneb hitheu riannon
| « p 7r | p 8r » |