NLW MS. Peniarth 5 (The White Book of Rhydderch, part 1) – page 131r
Ystoria Bown de Hamtwn
131r
287
a mi a|af o|e edych ac a wybydaf
a atto im y varchogaeth ac at y
march yd aeth ac ar hynt ysgyn ̷ ̷+
nu arnaỽ a oruc. a|r march yna
wedy cael y arglỽyd a|fu ryfu ̷ ̷+
gus llamsachus a cherdet gỽa ̷ ̷+
lop ydanaỽ ar hyt y kỽrt a|wna ̷ ̷+
eth yn·y doeth at Josian. a hith ̷ ̷+
eu drỽy y hỽylaỽ a|dyỽot yna
ỽrth y|palmer. y·naỽr y gỽn|i
yn wir y mae tydi yỽ y gỽr mỽ ̷ ̷+
yaf a|gereis ac a|garaf. ac yd
oedỽn ys|llawer o amser yn da ̷ ̷+
munaỽ y welet ar yr iessu grist.
disgyn y|r llaỽr a llyma dy varch
yt a|th gledyf ti a|e key. argỽy* ̷ ̷+
des heb ynteu y cledyf dyro
ym ac ragof y kerdaf inheu tu
a|lloegyr. nyt y·uelly y byd na ̷ ̷+
myn pan elych di. minheu a|af
gyt a|thi. arglỽydes heb ynteu
gat e|hunan brenhines gyuoeth ̷ ̷+
aỽc ỽyt ti a minheu gỽr tlaỽt
ỽyf. ac myn y iessu grist. iaỽnach
oed ym dy|gassau no|th garu.
kanys dy dat a|beris y gharch ̷ ̷+
aru yg charchar drỽc llawer
o amser. a|ffeth arall heuyt y
nos arall y kyffesseis i ỽrth y
padriarch. ac ynteu a|orchymyn ̷ ̷+
288
naỽd im na chymerỽn ym
gwreica onyt morỽyn. a|thith+
eu yd vyt seith mlyned yn gỽ ̷ ̷+
byl gyt ac iuor dy ỽr ac o beut
voỽyn yr hyt honno ryueda ̷ ̷+
ỽt maỽr yỽ. a|unben tec heb
hitheu myn y|gỽr a|dylyaf i
y|wediaỽ yn wir mi a|dywedaf
na bu kyt knaỽt hyt hyn eto
y·rof i ac iuor. ac aỽn y·gyt y loy ̷ ̷+
gyr. a|gwedy darffo vy medyd ̷ ̷+
yaỽ ony|m key yn vorỽyn o|m
vn crys gyr vi ymdeith. yn
llawen heb ynteu. ac yna dis ̷ ̷+
gynnu a|wnaeth ef a mynet
dỽylaỽ mynỽgyl a|wnaethant
a maỽr yd ymgerynt a llewe ̷ ̷+
nyd praf a|gymerth paỽb o+
nadunt vegys y|digaỽn paỽb
y|ỽybot. ar hynny y gwelyn
iuor ar y bymthecuet o vren ̷ ̷+
hined yn dyuot o|hela. a mil
y·rỽg llewot a|lleỽpardot a|ge ̷ ̷+
ỽssynt y dyd hỽnnỽ o hela o
ierch a beid coet nyt oed neb
a|wypei eu riuedi. Y·gyt ac y
gwyl Josian iuor yn dyuot
tristau yn braf a|wnaeth hi
ac ỽylaỽ a|galỽ ar bonffei y
braỽtfaeth a|dywedut ỽrthaỽ
| « p 130v | p 131v » |