NLW MS. Peniarth 19 – page 7v
Ystoria Dared
7v
27
vrenhin creulaỽn. yr hỽnn a
oed yn ryuelu yn|yr amser
hỽnnỽ arnaỽ ef. ac yr rodi yr
hoỻ vrenhinyaeth y dewffras.
Ac ỽrth hynny bot telepus
uab erkỽlf yn rodi kanhor+
thỽy idaỽ. ac yna y gỽybu
deỽffras na aỻei ffo rac ag+
heu o|r brath a rodassei ache+
larỽy idaỽ. Ac yna ac ef yn
vyỽ ef a rodes y vrenhinya+
eth ar wlat a|elwit boesia y
delepus. A gỽedy marỽ y bren+
hin. telepus a beris y gladu
yn enrydedus. ac achelarỽy
ỽrth hynny a|annoges y de+
lepus ynteu gynnal y vren+
hinyaeth newyd yn|da arnaỽ
a dyuot yn hydyr ygyt ac ỽ+
ynteu y ymlad a gwyr troea.
A thelepus a|dywaỽt ỽrth a+
chelarwy. bot yn nerthach y|r ỻu
rodi bỽyỻyrneu* o wenith
o|e deyrnas ef yn hyt blỽy+
nyded no mynet y ymlad
o·honaỽ ef y droea ygyt ac
ỽyntỽy. Ac ueỻy y proffỽy+
daỽd telepus. achelarwy ynteu o+
dyno a ymchoeles y ynys
tenedỽm att y ỻu. ac anre+
ith uaỽr ganthaỽ. ac a|dat+
kanaỽd y agamemnon a|e
gedymdeithyon beth vu eu
kyfrangk. agamemnon
28
a|e gedymdeithyon a vu hoff
ganthunt hynny ac a|e molas+
sant. Ac yn hynny y doeth y
kennadeu att briaf. ac Jluxes
a vanagaỽd gorchygharch*
agamemnon. ac a erchis et+
vryt elen a|r anreith a|dugas+
sei alexander. a gỽneuthur
iaỽn y wyr groec. ac ymwaha+
nu yn|dagneuedus. ac yna
priaf a|duc ar|gof y sarhaedeu
a|wnathoed y gỽyr a|dathoedynt
yn|y ỻog a|elwit argo. ac yn|y
ỻogeu ereiỻ gyt a|hi idaỽ ef.
ac agheu y dat a lethyssynt
a|r ymlad a vuassei ganthunt
yn|troea. a chaethineb esoniam
y chwaer. ac odyna pan an+
uones antenor yn gennat
y roec ry draethu o·honunt
am·danaỽ ef yn waradwydus
ac am hynny kewilydyus
vu ganthaỽ ef yr hedỽch. ac
annoc y ryuel a|wnaeth ef.
ac ygyt a hynny ef a|orchy+
mynnaỽd gỽrthlad kennadeu
gỽyr groec o vrenhinyaeth ef.
ac ymchoelut a|wnaeth y
kennadeu y gasteỻ tenedỽm
a datkanu atteb priaf. ac o+
dyna kynnuỻaỽ eu ryuel
yn gyfrỽys a|wnaethant ỽy.
ac yna y doethant y tywysso+
gyon hynn yma a|e ỻu ygyt
| « p 7r | p 8r » |