NLW MS. Peniarth 19 – page 72v
Brut y Brenhinoedd
72v
295
a doethant yn yn* eu herbyn.
A gỽedy eu dyuot yny ymwel+
sant o bop tu. ỽynt a|ossodassant
eu bydinoed. ac a|dechreussant
ymlad. a|r marchogyon o
bop parth a las megys y
deruyd yn|y kyfryỽ damchỽ+
ein hỽnnỽ. Ac o|r diwed gỽedy
treulaỽ ỻawer o|r dyd goruot
a|oruc uthur. a dechreu ffo
a|wnaethant y gelynyon par+
th a|e ỻogeu gỽedy ỻad pas+
gen. a giỻamỽri. a|e hymlit
a|wnaeth y kiwdaỽtwyr ac
eu ỻad ar eu ffo. a|r vudugo+
lyaeth a dygỽydaỽd yn ỻaỽ
y tywyssaỽc. a christ yn|y gan+
horthỽyaỽ. A gỽedy y veint
ladua honno. megys y gaỻ+
aỽd gyntaf ef a aeth parth
a chaer wynt. Kanys kenna+
deu a|dathoedynt attaỽ y
venegi dygỽydedigaeth y
brenhin. a|ry|daruot y|r arch+
esgyb a|r esgyb ac abadeu
y deyrnas. y gladu geyr·ỻaỽ
manachlaỽc ambyr y my+
ỽn cor y keỽri. yr hỽnn a
baryssei y wneuthur hyt
tra yttoed yn vyỽ. kanys
pan glyỽssynt ỽy y varỽol+
yaeth ef yd ymgynuỻassynt
yr esgyb a|r abadeu ac yscol+
heigyon yr hoỻ deyrnas. me+
gys y dylyynt ỽrth arỽylant
296
gỽr kymeint y vrdas a|hỽnnỽ.
kanys yn|y vywyt y gorchy+
mynnassei ef y gladu yn|y ỻe
hỽnnỽ. Ac ỽrth hynny ygyt a
brenhinaỽl arỽylant y|cladỽyt
A |Gỽedy hynny yn [ ef yno.
yd oedynt alwedigyon
yr yscolheigyon a|r ỻeygyon
a|r bobyl ygyt oỻ. vthur bra+
ỽt y brenhin a|gymerth coron
y deyrnas. ac o|gyt·annoc pa+
ỽb yn gyffredin ef a vrdỽyt yn
vrenhin. Ac yna coffau a|oruc
y dehogyl a|wnathoed myr+
din o|r rac·dywededic seren uch+
ot. Ef a|erchis gỽneuthur
ỻun dỽy dreic o eur. a chynhe+
bygrỽyd yr honn a ymdangos+
sei ygyt a|r seren arnunt. A
gỽedy gỽneuthur y rei hynny
o enryued gywreinrỽyd. ef
a offrymaỽd y neiỻ o·nadunt
y|r eglỽys bennaf yg|kaer
wynt. a|r ỻaỻ a|ettelis gantha*
ỽrth y harwein yn|y vlaen yn
ỻe arỽyd idaỽ. A phan elei ef
ym|brỽydyr ac y gat y ymlad.
Ac o|r amser hỽnnỽ aỻan y
gelwit ef vthur ben dragon.
ac ỽrth hynny y kafas ef yr
enỽ hỽnnỽ. ỽrth y darogan ef
o vyrdin drỽy y|dreic y vot yn
A C yn|yr amser [ vrenhin.
hỽnnỽ octa mab hengyst
ac offa y gar pan welsant eu
| « p 72r | p 73r » |