NLW MS. Peniarth 20 – page 209
Brut y Tywysogion
209
1
y rodei ef yn dyd ter+
uynedic y ruffud y
vrawt yr kaffael
gwystlon y ganth+
aw ar gynnal tang+
neued ac ef. a|thre+
mygu y llw a oruc ef
heb dalu er kastell yr
kael y gwystlon. ar gw+
ystlon hynny ychyd+
ic wedy hynny a gr+
ibdeilyawd dwywa+
wl nerth o garchar
gwenwynwyn. yn
y vlwydyn honno y bu
varw pyrs esgob
mynyw. Blwydyn
wedy hynny y kynnu+
llawd maelgwn ap
rys llu ac y kyrcha+
wd am benn kastell
dineirth a wnathoed
gruffud a chymeint
ac a gauas ef yno
o wyr rei a ladawd
a rei a|garcharawd.
a gruffud a gafas
kastell kilgerran
drwy dwyll
2
ac a|y kynnhalyawd
yn|y vlwydyn honno
val y byd richar vren+
hin yn ymlad a cha+
stell barwn ydaw
a oed yn|y erbyn y
brathawd vn o|r ka+
stell ef a|chwarel
yny deruynawd y
hoedyl. ac yna y dy+
rchafwyt jeuan y
vrawt yn vrenhin
wedy ef.
DEukan mlyned
a mil oed oet
krist pan vv varw
gruffud vab kynan ab oweyn
drwy diwed da we+
dy kymrut abit kre+
uyd yn aberkonwy
y gwr a oed atnabo+
dedic gan bawb o y+
nys brydein o acha+
ws helaethrwyd y
rodyon a|y hynaws+
ter a|y dayoni. ac nyt
ryued kanys tra vo
byw y gwyr y syd
| « p 208 | p 210 » |