NLW MS. Peniarth 20 – page 316
Gramadeg y Penceirddiaid
316
1
tec gwreic dec. ac w+
rth hynny doeth a th+
ec ysyd gyffredin
rwng gwrwf a banw.
BEryf yw pob
peth o|r a arw+
ydokao gwneuthur
neu diodef drwy
amser a pherson.
Pymp mod beryf
.ysyd. nyt amgen.
managedic. arche+
dic. damunedic. ky+
sselledic. ac anter*+
uynedic. manage+
dic yw hwnn a van+
ako peth. val y mae.
Mi a|garaf. arched+
ic yw hwnn a archo
peth. val y mae. yf
y kwryf. damunedic
yw hwnn a damuno
peth val y mae. myn+
nwn vy mot yn es+
gob. kysselledic yw
hwnn a arwydokao
amodi peth. val y
mae. pan delych
2
attaf ti a geffy be+
is. neu o gwney ym
gyllell ti a geffy ge+
innyawc. ar mod hwn+
nw a elwir. amode+
dic. anteruynedic
yw hwnn ny bo yn+
daw na rif na pher+
son. val y mae. karu
kanu dysgu. ac ar
y modeu hynny oreu
y gellir barnu pan
vont yn ymadrod+
yon. Teir kene+
dyl beryf ysyd. nyt
amgen. gwneuthu+
redic a diodefedic.
a chyffredin y ryng+
thunt. gwneuthu+
redic yw honn a arw+
ydokao gwneuth+
ur y ryw weithret
val y mae. karaf
dysgaf. diodefedic
yw honn a arwydo+
kao diodef y weith+
ret. val y mae. am
kerir am dysgir.
| « p 315 | p 317 » |