Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 1r

Y gainc gyntaf

1r

1

1
P *wẏll pendeuic dẏuet
2
a|oed ẏn arglỽẏd ar seith
3
cantref dẏuet. a threig  ̷+
4
ẏlgweith ẏd|oed ẏn arberth
5
prif lẏs idaỽ a|dẏuot ẏn|
6
urẏt ac ẏn| uedỽl uẏnet
7
ẏ hela. Sef kẏueir o|ẏ gẏuoeth
8
a|uẏnnei ẏ|hela glẏnn cuch.
9
ac ef a|gẏchỽẏnnỽẏs ẏ nos
10
honno o arberth ac a|doeth hẏt
11
ẏm·penn llỽẏn diarỽẏa. ac
12
ẏno ẏ bu ẏ nos honno. a|thr  ̷+
13
annoeth ẏn ieuengtit ẏ|dẏd
14
kẏuodi a|oruc a|dẏuot ẏ|lẏnn
15
cuch i ellỽng e|gỽn dan ẏ|coet.
16
a chanu ẏ gorn a dechreu dẏ  ̷+
17
gẏuor ẏr hela. a cherdet ẏn
18
ol ẏ cỽn ac ẏmgolli a|ẏ gẏdẏ  ̷+
19
mdeithon. ac ual ẏ bẏd ẏn
20
ẏmỽarandaỽ a|llef ẏr erchỽ  ̷+
21
ẏs. ef a glẏỽei llef erchỽẏs
22
arall. ac nit oedẏnt unllef.
23
a|hẏnnẏ ẏn dẏuot ẏn erbẏn
24
ẏ erchỽẏs ef. ac ef a|ỽelei la  ̷+
25
nnerch ẏn|ẏ coet o uaes gu  ̷+
26
astat. ac ual ẏd oed ẏ|erchỽẏs
27
ef ẏn ẏmgael ac ẏstlẏs ẏ|llan  ̷+
28
nerch ef a|ỽelei carỽ o|ulaen
29
ẏr erchỽẏs arall. a pharth a
30
pherued ẏ llannerch llẏma
31
ẏr erchỽẏs a oed ẏn|ẏ ol ẏn
32
ẏmordiỽes ac ef. ac ẏn|ẏ uỽrỽ
33
|r llaỽr. ac ẏna edrẏch ohon  ̷ ̷+
34
aỽ ef ar liỽ ẏr erchỽẏs heb
35
hanbỽẏllaỽ edrẏch ar ẏ carỽ.
36
ac o|r a|ỽelsei ef o|helgỽn ẏ|bẏt.
37
nẏ ỽelsei cỽn un lliỽ ac|ỽẏnt.
38
Sef lliỽ oed arnunt. claerỽẏn

2

1
llathreit ac eu clusteu ẏn
2
gochẏon. ac ual ẏ llathrei
3
·ẏnnet ẏ cỽn ẏ|llathrei co  ̷+
4
chet ẏ clusteu. ac ar hẏnnẏ
5
at ẏ cỽn y doeth ef. a|gẏrru
6
ẏr erchỽẏs a|ladẏssei ẏ carỽ
7
e|ẏmdeith a llithẏaỽ ẏ erchỽ  ̷+
8
ẏs e|hunan ar ẏ carỽ. ac ual
9
ẏ bẏd ẏn llithiau ẏ cỽn. ef a
10
ỽelei uarchauc ẏn dẏuot
11
ẏn ol ẏr erchỽẏs y ar|uarch
12
erchlas maỽr. a chorn canu
13
am ẏ|uẏnỽgẏl. a gỽisc o ure+
14
thẏn llỽẏt tei amdanaỽ
15
ẏn ỽisc hela. ac ar hẏnnẏ
16
ẏ marchaỽc a doeth attaỽ ef
17
a dẏỽedut ual hẏnn ỽrthaỽ
18
a unben heb ef mi a ỽnn pỽẏ
19
ỽẏt|ti ac nẏ chẏuarchaf i well
20
it. Je heb ef ac atuẏd  mae
21
arnat o anrẏded ual na|s dẏ+
22
lẏei. Dioer heb ef nẏt tei+
23
lẏgdaỽt uẏ anrẏded a|m
24
etteil am hẏnnẏ. a unben
25
heb ẏnteu beth amgen.
26
rof i a|duỽ hep ẏnteu dẏ
27
anỽẏbot dẏ hun a|th ansẏ  ̷+
28
berỽẏt. Pa ansẏberỽẏt un ̷+
29
ben a|ỽeleist ti arnaf i. Nẏ
30
ỽeleis ansẏberỽẏt uỽẏ ar
31
ỽr hep ef no gẏrru ẏr erch+
32
ỽẏs a|ladẏssei ẏ|carỽ e|ẏmd+
33
eith. a|llithiau dẏ erchỽẏs
34
dẏ hun|arnaỽ. hẏnnẏ hep
35
ef ansẏberỽẏt oed. a|chẏn+
36
nẏt ymdialỽẏf a|thi. yrof i
37
a duỽ hep ef mi a|ỽnaf o
38
anglot itt guerth can carỽ.

 

The text Y gainc gyntaf starts on Column 1 line 1.