NLW MS. Peniarth 5 (The White Book of Rhydderch, part 1) – page 135v
Ystoria Bown de Hamtwn
135v
305
y gan copart. ac yna ymwaha ̷ ̷+
nu a|wnaethant. a|boỽn a|e|ge ̷ ̷+
dymteithon a|hỽylyssant rac+
dun yny doeth y|r borthua ys ̷ ̷+
syd yn emyl bỽlỽyn. a|r|dyd
hỽnnỽ yd aeth esgob y orym ̷ ̷+
deith y|r borthua. ac ewythyr
oed ef y boỽn. ac ny ỽydat boỽn
y|ddeirydeit idaỽ. ar hynny
nachaf boỽn yn dyuot yn er ̷ ̷+
byn yr esgob. a|chyt ac y|daỽ.
yn|agos kyuarch gwell idaỽ
a|wnaeth. yr a|r esgob a|ouynnaỽd
y boỽn o ba le pan|hanoed. o lo ̷ ̷+
egyr arglỽyd pan hanỽyf. ac
yn lloegyr y|m ganet a mab
ỽyf y giỽn iarll gỽr a|las yn
gam ac yn bechadurus. gros ̷ ̷+
saỽ duỽ ỽrthyt anỽyl|nei cal ̷+
lon ac ewythyr it ỽyf|i. Pỽy
heb yr esgob y vorỽynwreic
ieuagk yssyd gyt a|thi. arglỽ ̷ ̷+
yd heb·y boỽn. ny chelaf ragot
hi a|m karaỽd i yn vaỽr a|min ̷ ̷+
heu a|e kereis. ac o achos hyn ̷ ̷+
ny mi a fuum y|gharchar seith
mlyned. ac y naỽr y kymer
hi bedyd a criftonogaeth. ac
yd emendeu a mahom y duỽ.
diolỽch y duỽ hynny heb yr
esgob a hediỽ mi a|e bedydyaf
hitheu. ar hynny nachaf co ̷ ̷+
part yn dyuot ac yn gyrru
y meirych a oed arnunt eu
306
pynneu o eur ac aryant o|e vla ̷ ̷+
en. Y·gyt ac y gwyl yr efgob co ̷ ̷+
part mor anfurueid a hynny
dyrchauel y laỽ y vyny ac rac
y ofyn degweith yd ymsỽynaỽd.
a|gofyn y boỽn pa|ryỽ gythreul
oed hỽnnỽ. ny chelaf ragot ar ̷ ̷+
glỽyd ewythyr. gwas ym yỽ
ac vn o|r gwyr deỽraf o|r byt oll
yỽ. gwas heb yr esgob. nyt ef
a|wnel duỽ y dyuot ef y|m llys
a|miui yn dragywyd. daỽ o|r byd
da genhyt|i arglỽyd a ni a vyn ̷ ̷+
nỽn y vedydyaỽ ef hediỽ. pa wed
anỽyl|nei y bedydut ef. canys
pei delynt holl|wyr y dinas
y·gyt ny ellynt hỽy y dyrcha ̷ ̷+
uel ef o|r bedyd lestyr. a|ffan
wyl copart yr esgob ef a dy ̷ ̷+
bygassei may bugeil oed yr
esgob am y welet yn newyd
eillaỽ a gwedy torri y wallt.
ac yna ymdidan a|wnaeth
yr esgob a|e nei a dywedut
y vot ef yn varchaỽc deỽr
pan enillei ef y ryỽ was hỽn ̷ ̷+
nỽ. a menegi idaỽ ry|dyuot
y varỽgywedyl ef a|e dienydu
yn waradỽydus o|r sarassinieit
at sebaot y datmayth a|e athro
y gan vab sabot a ry|fuassei
ymplith sarassinieit yn y ge ̷ ̷+
issaỽ ynteu. ac o achos hyn ̷ ̷+
ny y dechreuis sebaot ryuelu
| « p 135r | p 136r » |