Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 65r

Purdan Padrig

65r

29

ffỽrnn. Hep ỽyntev porth paradỽys nef+
aỽl yỽ hỽnnỽ. ac ar y|porth hỽnnỽ yd
ant y|rei a|dyccer y genym ni y|nef.
ac ny dyly dirgelu rogot ti dim o|r ỽed
y|pyrth yr arglỽyd ni·ni vnỽeith beu+
nyd o vỽyt nefaỽl. ti a|ỽybydy hagen
yn aỽr ygyt a|ni pann y rodho duỽ. pa
gyffelyb vo y bỽyt hỽnnỽ. ar hynny
nachaf megys flam dan yn disgynnv
o|r nef ac yn kudyaỽ yr holl ỽlat.
ac yn wanhanredaỽl* y|disgynnỽys
ym penn pob vn ohonunt. megys pele+
idyr yr heul. ac o|r diỽed y|fflam a a  ̷ ̷+
eth yndunt. Odyna ef a|disgynnỽys
yn|y gorff ac yn|y gallon kymeint
o|digrifỽch. a melyster hyt na dyall+
ei beth oed a*|byỽ. ae marỽ. rac me  ̷ ̷+
int y melyster. Yn ebrỽyd hagen yr
aeth honno heibyaỽ. llyma heb ỽy
y bỽyt a|daỽ y·ni vn be weith beunyd
y gan duỽ y|n porthi. Y neb a|el y|ỽrth  ̷ ̷+
ym nynhev y|nef o|r|bỽyt hỽnn yd ar+
uerha yn tragyỽyd. a chan gỽeleist|i
yn brouedic yr hynn a damuneist|i y
ỽelet nyt amgen. gorffỽys y rei da.
a|phoennev y|rei drỽc. reit yỽ yti
vraỽt mynet yr vn fford y|deuthost
ohonei. dracheuen. ac o|bydy gymhe+
draỽl. a glan dy uuched o|laỽ hynn
diogel yỽ ytt caffel y|gorffỽys hỽnn.
a nef yn|y diỽed. O llygry ditheu ha+
gen dy uuched herỽyd eỽyllys dy gna+
ỽt. dy bressỽylua a|vyd yn|y poennev
a|ỽeleist|i yn tragyỽyd. Dos trache+
uen a|diogel yỽ it. cany ỽely yr ar+
uthter a ỽeleist gynt yn|y Mynyd
yn aỽr yn dyuot. ac yna y dechre+
uis y. Marchawc. yn ofynaỽc ac yn trist
gỽediaỽ y|r archescyb hyt na chym+
hellit ef y|ymhoelut o|r lleỽenyd
hỽnnỽ. y boenev y byt hỽnn yma.
ny ellir yr hynn a|dyỽedy ti heb ỽy

30

namyn duỽ a adnabu yr hỽnn ysyd
diheu y|baỽp megys y|hardunyỽys
ef. Yntev a|gerdỽys yn truan. ac
yn trist. Mynhei. na mynhei. ac
a gymerth eu ben·ndith. ac ynn
trist olesc. ef a|ymhoelaỽd drche*+
uen yr vn fford y da·thoed. heb y|vo+
lestu o neb ryỽ boen o|rei gynt a
ỽl ỽelssei. a phorth yr ogof a gauas
yn agoret. ac y blith y cỽuent y
doeth. ac y|menegis vdunt y|hynt.
o|r pan aethoed y|r ogof y|myỽn hyt
pann deu* y|maes ohonei. ac yna
y peris y prior yscriuennv y|damỽ+
ein ef. ac yno y|mae yn trigyaỽ
hyt hediỽ. ~ ~ ~