NLW MS. Peniarth 19 – page 77r
Brut y Brenhinoedd
77r
313
gan newidyaỽ agheu o bop
parth. Ac o|r diwed gỽedy treu+
laỽ ỻawer o|r|dyd y uudugoly+
aeth a gafas y brytanyeit. ac
yn yd oedynt ladedigyon octa
ac offa. dangos eu kefneu
a|wnaeth y saesson ereiỻ a|ffo.
ac ỽrth hynny kyme·int o leỽ+
enyd a|gymerth y brenhin
yndaỽ ac yny gyuodes e hu+
nan yn|y eieisted* ar yr elor.
pryt na aỻei kynno hynny
heb ganhorthỽy dynyon ere+
iỻ gychwynnu. A chyn lawe+
net vu a chyt ry|delei idaỽ
deissyfyt Jechyt. a hynny
ym·oỻỽg yn chwerthin a|oruc.
a chan|diruaỽr lewenyd. dyw+
edut yn vchel yr ymadraỽd
hỽnn. Y bratwyr heb ef a|m
gelwynt i brenhin hanner
marỽ. kanys claf oedỽn. ac
ỽrth vy arwein i ar yr elor
yn diamheu veỻy yd oedỽn
inneu. ac eissyoes gỽeỻ yỽ
gennyf yn hanner marỽ gor+
uot arnadunt ỽy. no bot yn
Jach ac yn vyỽ gan oruot
ohonunt ỽy arnaf|i.
A |Gỽedy goruot ar y saes+
son. yr hynny ny phei+
dyassant ỽy ac eu tỽyỻ. na+
myn. kyrchu gogled gỽlado+
ed yr ynys. ac ymlad a|r|bobyl
a ryuelu arnadunt. a|r rei
314
hynny a vynnassei uthur
bendragon eu|herlit. pei na|s
ỻudyei y dywyssogyon idaỽ.
kanys trymach vu y heint
o lawer gỽedy hynny o beỻ
ford. glewach oedynt y gelyn+
yon yn keissyaỽ darostỽg
y deyrnas udunt. Ac ymrodi
a|orugant y eu kynefaỽt vrat
ỽynt. a medylyaỽ pa wed
y geỻynt o vrat ỻad y brenhin.
A gỽedy na cheffynt an+
saỽd araỻ ỻunyaethu a|ỽ+
naethant y lad a gỽenỽyn.
a hynny a wnaethant. ka+
nys hyt tra yttoed y brenhin
yn seint alban. ỽynt a|oỻ+
ygassant gennadeu yn rith
aghenogyon y syỻu ansaỽd
y ỻys. vn peth a dewissassant
y kennadeu y eu brat y rei
a vuassynt yn edrych ansa+
ỽd y ỻys. kanys yn agos
y|r ỻys y|r ỻys yr oed fynha+
ỽn loeỽ. ac o honno y gnot+
taei yfet dỽfyr pryt na chaf+
fei vlas ar|lyn araỻ yn|y
byt rac y heint. Ac ỽrth
hynny kylch y fynhaỽn a
wnaethant yr ysgymun
vratwyr yn ỻaỽn o|r gỽenỽyn
yny lygraỽd y dỽfyr a rettei
o|r|ffynhaỽn. Ac ỽrth hynny
ual y ỻewes y brenhin y
dỽfyr hỽnnỽ. bryssyedic ag+
heu
| « p 76v | p 77v » |