Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 139v

Ystoria Bown de Hamtwn

139v

321

amdiffyn idaỽ o|e agheu mal
kynt rac y dyrnaỽt hỽnnỽ. ac
yna y dyỽaỽt sabaot o nerth y
ben. haha felỽn lỽth a|th melltic  ̷ ̷+
co dỽu kan felleist y|th gydym  ̷ ̷+
deithon ar y dyrnaỽt kyntaf.
a gỽedy hynny y tynnaỽd saba  ̷ ̷+
ot y gledyf ac erbyn y dyrnaỽt
ny farhaei dim. ac y·velly y|peris
ef y|r vydin gyntaf dygỽydaỽ.
a phan ỽelas yr amheraỽdyr
hynny nyd oed arnaỽ vn chwer  ̷ ̷+
thin. a|phan y|gỽelas boỽn ef
yn|y mod hỽnnỽ. ef a dyuryssya  ̷ ̷+
ỽd attaỽ ar arỽndel y varch. ac
y gyt ac ef sỽrn o varchogyon
aruaỽc ac nyt oedynt vynt no
boỽn. a boỽn yna a vrathaỽd a  ̷ ̷+
rỽndel ac a ystynnaỽd y|daryan
ac ar y dynaỽt kyntaf a rodes.
ef a ladaỽd Juor o|r gris ac abat
o vỽrri. a|phan daruu idaỽ llad
yr abat y brathaỽd y varch. a
sabaot a|e ỽyr gyt ac ef. ac yna
y buant laỽen. ac ny bygylaỽd
neb o nadunt yn|y lle y bei. ac yna
yd arganuu boỽn yr amheraỽdyr
ac y llawenhaaỽd trỽy ewyllus
drỽc. a dyỽedut ỽrthaỽ. myn duỽ
traitur os ti a dieinc a|th vyỽhyt
odyna ny atto duỽ y mi uynet
o dyma ony chaffaf dy benn di yr
maỽr. ac yna y|dyỽaỽt yr amhe  ̷ ̷

322

raỽdyr ỽrth boỽn a lỽttỽn pỽy a
uegythy di mor gadarn a hynny
os ymlad a vynhy di dabre y|r maes.
Pan gigleu boỽn hynny ny bu ky
lyỽenet eiroet ac y kylyassant er+
gyt dỽysaeth y ỽrth y llu. ac yna
boỽn a ystynnaỽd y daryan ac a gy+
merth y waeỽ ac a vrathaỽd yr am+
heraỽdyr y|ghanaỽl y daryan yny
glỽyuaỽd yn vaỽr ar yr amheraỽdyr
ac y torres y gledyf ac y tramkỽydaỽd
ac mal kynt kyuodi a|oruc yn gyflym
a bỽrỽ neit a|chaffel mayn ydan y
droet a bỽrỽ boỽn a|hi yn dic a|e ve+
dru yn y daryan yny dorres yn drỽc
ac yna boỽn a dynaỽd moclei y gle+
dyf ac a dreỽis yr amheraỽdyr ac ef
yn gyflym. a|phan welas yr almayn+
ỽyr hynny dyuot a|ỽnaethant yn
ganhorthỽy eu|harglỽyd ac a|e dodas  ̷ ̷+
sant ar y varch a medylyaỽ gallel
eu maedu. ac ar hynny nachaf cop+
part yn dyuot a|e drossaỽl a|e vydin
gantaỽ ac eu bỽrỽ pob dec pob deudec
ac yna y|dywaỽt boỽn ỽrth coppart.
vy|gharedic. i. heb ef pony ỽely di lle
mae yr amheraỽdyr ar yr amỽs
gỽelỽ ys da a|beth oed yti uynet
o|e rỽymaỽ. arglỽyd heb·y coppart
mi a|ỽnaf dy vynnu di. ac yna y
kerdaỽd coppart racdaỽ ac a|e dros  ̷ ̷+
saỽl yd arllỽyssaỽd fford idaỽ. ac|nyt
arbedaỽd neb yny doeth hyt at yr