NLW MS. 20143A – page 82r
Llyfr Blegywryd
82r
323
velly ny byd teithiaỽl ac
ony byd teithiaỽl atueret
y neb a|e|gỽertho traẏan.
y|werth ẏ|r neb a|e prynho
Y neb a|talho neu a|wertho
llo. neu dinaỽet meichet
dros y|dilẏsrỽẏd. a bit dros
deu gleuyt rac ti dera tri ̷ ̷
dieu a|their·nos rac y|cla ̷ ̷+
fri. o galan gayaf hyt ỽyl
patrig y neb y|del idaỽ ny
dyly y dỽyn ym plith ani+
ueileit. clafỽr. nac y|ty y ̷
bei aniueileit clafỽr yn+
daỽ seith mlyned kyn·no
hynny. Y neb a|latho. an+
iueil. dyn arall yn|y vua+
rth. yn lletrat a|hynny
yn honneit. talet yn deud ̷ ̷+
324
dyblic ac. os gỽatta.
gỽadet ar y petwyryd
ar ugeint o|e gyfnesse ̷+
iueit. Y neb a|gymero
abo llỽdyn dyn arall.
heb y ganhat talet.
drostaỽ lỽdyn arall.
vn·ryỽ ac vn·werth
ac ef a|thri|buhyn ca ̷ ̷+
mlỽrỽ. y|r brenhin Y
neb a gyllello aniueil.
marỽ dyn arall talet
aniueil vn·ryỽ ac ef
drostaỽ a|thri buhyn
camlỽrỽ y|r brenhin
O en tra dyno;
keinhaỽc kyur ̷ ̷+
eith. a|tal; aỽst; pete ̷+
ir. keinhaỽc kyureith
a|tal
| « p 81v | p 82v » |