Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 58v

Bonedd y Saint, Daroganau Estras, Prif y Lleuad

58v

335

verch leidun llẏdaỽ ẏ vam.
Cannen a gỽẏnlliỽ ap gliỽis
ap tegit ap kadell o|llan gath+
us o went. Tẏssiliaỽ ap broch  ̷ ̷+
uael ẏsgithraỽc ap kẏngen
ap kadell. o ardun verch babo
post prẏdein ẏ vam. Ỻẏwelẏn
ẏn ẏ|trallwng ap tẏgonwẏ
ap teon ap gỽineu deuureu  ̷+
dỽẏt. a gỽrnerth ap lleỽelẏn.
elhaearn ẏ maes kegitua.
ẏm|powẏs. a llwch elhaearn
ẏg kedewein. a chẏnhaearn
ẏn ẏnẏs gẏnhaearn ẏn eid  ̷ ̷+
onẏd. Meibon eharnuael
ap kẏndrỽẏn. Peblic sant
ap maxen wledic. ac elen
verch eudaf ap karadaỽc
ẏ vam. Peris sant kardinal
o ruuein. ~ ~
O * sẏrth duỽ kalan ar|duỽ
sul; da vẏd ẏ gaeaf. a
gỽnnỽẏn* gỽynnaỽc. a haf
sẏch. a gỽinllanneu ẏn fẏn  ̷ ̷+
nu. a|r deueit ẏn llỽẏdaỽ.
ac amẏlder o vel. a|r gỽrach  ̷ ̷+
iot ẏn merỽi. a thangneued
a vẏd. Os duỽ llun vẏd; ga  ̷+
eaf kẏmẏsc. a gỽaỽẏn* da.
A haf gỽẏnnaỽc tẏmhestlus.
nẏ bẏd da ẏ|gỽinllanneu. ac
ef a debẏgei dẏnẏon eu fẏn+
neu A ball a vẏd ar ẏ gỽenẏn;
A duỽ a rodes ẏr arỽẏdẏon i
hẏnnẏ ẏ dẏnnẏon. Os duỽ
mawrth vẏd duỽ kalan; ga  ̷+
eaf kawadaỽc a|gỽannỽẏn
gỽẏnnaỽc. a haf glawaỽc.

336

a|ball ar ẏ gwraged. a|r llongeu
ẏn perẏglu ar ẏ mor. a merỽi
ẏ brenhined. a frỽẏth maỽr ar
ẏ gỽinllanneu. Os duỽ merch+
ẏr vẏd duỽ kalan; gaeaf kalet.
garỽ. a gỽannỽẏn drỽc. a haf da.
a|r gỽinllanneu ẏn da. a|r gỽra  ̷ ̷+
ged ẏn merỽi. a llaỽer o dẏnẏon
ẏn glaf. a mel a vẏd. Os duỽ|ieu
vẏd gaeaf da. a gỽannỽẏn gỽẏn+
naỽc. a haf da. ac amẏlder o da
ẏn ẏ wlỽẏdẏn honno. a hedỽch
ẏ·rỽg ẏ tẏwẏssogẏon. Os duỽ
gỽener vẏd gaeaf anwadal.
a gỽannỽẏn da. a haf da. a|dolur
ar ẏ llẏgeit. a fẏnnu ẏ gỽin. a
marỽ ẏ deueit a|r gỽenẏn. a lla+
ỽer a vẏd o ẏdeu. a|marỽ ẏr hen
dẏnẏon. Os duỽ sadỽrn vẏd
duỽ kalan. gaeaf kẏnhẏruus.
a gỽannỽẏn drỽc gỽẏnnaỽc.
a haf da. a|r frỽẏtheu ẏn amẏl.
a|r deueit ẏn merwi. a llosgi tei
ẏn vẏnẏch. Gỽir ẏỽ ẏr arỽẏdon
hẏn; ot ẏmdengẏs heul ar ẏ|da  ̷+
ear. a·rỽẏdẏon ereill ẏỽ ẏ rei
hẏn.*Os duỽ sul vẏd prif ẏ lle+
uat ẏ wlỽẏdẏn neỽẏd gaeaf
da gỽressaỽc. a|gỽannỽẏn gỽlẏ+
boraỽc. a haf gỽẏnnaỽc a llaỽer
o ẏt. ac amdler o ẏsgrẏbẏl. a f+
frỽẏtheu ẏn ẏ gardeu a llaỽer
o ẏmladeu a lledradeu. a chỽedleu
ẏ ỽrth vrenhined a|thẏwẏssogẏon
tangneued a vẏd. a merỽi ẏ|d·ẏ+
nẏon bẏchein. Os duỽ llun vẏd
prif ẏ lleuat rẏuel vẏd y·rỽg ẏ
tẏwẏssogẏon. a llaỽer o bechodeu.

 

The text Daroganau Estras starts on Column 335 line 21.

The text Prif y Lleuad starts on Column 336 line 27.