Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 143v

Ystoria Bown de Hamtwn

143v

337

ac yn hynny dyuor* o|r sarassinyeit
racco. a|m dỽyn ganthunt. ae saras  ̷ ̷+
cinyeit ynt arglỽydes. ie heb hitheu.
wely|di ẏ|tỽyllỽr a beris boỽn y ve  ̷ ̷+
dydyaỽ. Sef a|oruc sabaot dyrchauel
y ffonn a|tharaỽ y|traytỽr ar y|benn
yny dygỽydaỽd yn varỽ. ac o lef
vchel. erchi a|oruc sabaot y|r pere  ̷ ̷+
rinyon taraỽ y sarascinyeit. ac yna
y pererinyon ac eu ffynn a|draỽssant
y sarascinyeit. a|phorthmyn y dref a
deuthont. ac y|llas y sarascinyeit oll.
ac heb ohir y kymerth sabaot iosian
heb·yr hitheu. yn digelwyd dywet ym
pa wed yd arwedy ui trỽy y gwledi*
hynn. heb·y sabaot na vit arnat
vn offyn ti a wisky wisc gỽr ymdanat
ac yn aruer gỽr ti a|gerdy. Heb hith  ̷ ̷+
eu nyt affreit ym ymoglyt. ac yna
sabaot a|gymerth gwisc perein ym  ̷ ̷+
danaỽ. ac ymdanei hitheu gwisc ad  ̷ ̷+
fỽyn gỽraỽl. ac yna yd aeth iosian
y rydaỽ y|rodyaỽ y varchnat. a|phro  ̷ ̷+
ui a|oruc hi llysewyn. ac ny welas hi
erroyt llysewyn well. kanys a|hỽnnỽ
a*|gallei wneuthur y|llyỽ y mynhei
ar y|hỽyneb a|e|chorff. ac racdunt y
kerdassant heb orffỽys y geissaỽ. bown.
a|therri. a|hyt y mratffot y deuthant.
ac yna y|clyuychaỽd sabaot. ac ẏ bu
seith|mlyned a|thri|mis kyflaỽn yn
glaf. ac yn hynny dydgweith dechreu
medylyaỽ am boỽn a|oruc iosian.

338

a|chanu idaỽ. ac edrych ar hynny a|oruc
sabaot yn graff. Hynt boỽn ryuelỽr
uu a|therri pann doethant y maes o|r
koet. kyhỽrd ac ỽynt fforestỽr cỽrteis
ac|amouyn ac ef a oruc yn|y mod hỽnn.
Py vn ỽyt varchaỽc adfỽyn. Myn vyg
cret heb ef fforestỽr ỽyf. a|pha vn ỽyt
titheu. Syr bachler tebic ỽyt y ỽr ar
ormod kerdet. ac y·velly yd ym heb
ynteu yn|ỽir. gwreic a|uu y mi ny anet
y|chyntecket a|e|cholli a wneuthum.
ac ỽrth hynny trist ỽyf. a|r deu vab
hynn a|anet idi. doro y neill attaf vi.
a mi a|baraf y vedydyaỽ a|e vagu. ac
ny cheissaf gennyt ti werth vn gein  ̷ ̷+
aỽc yr hynny hyny delych dracheuyn
heb y fforesỽr. a|diolch idaỽ a oruc boỽn
canweith. a gouyn a wnaeth y|fforestỽr
py enỽ a|dodit arnaỽ gi o hamtỽn. y
dinas ar y mor heb·y boỽn. ac yn gyf  ̷ ̷+
lym dỽc y|r eglỽys. ac ymiachau a|oru  ̷ ̷+
gant ac racdunt y kerdassant. ac yna
y|kyhyrdaỽd pyscodỽr ac ỽynt. ac y rod  ̷ ̷+
assant y mab arall attaỽ ar vaeth a
deg|morc ganthaỽ. ac y peris ynteu
y vedydyaỽ. ac yskynnu ar eu meirch
a|orugant ac ymiachau. ac ny orffỽy  ̷ ̷+
ssassant hyny deuthant y|dref a oed
gyfagos. a|chymryt eu lletty a|orugant.
˄yn hy garsi porthman o|r dref. ac yn esmỽyth y kaỽsant a|phan daruu vdunt bỽyta ac yuet
dogyn. ac eu meirch dogyn. eu|gỽelyeu
a|oydynt baraỽt. y gysgu yd aethant.
a|r bore pan uu eglur y dyd edrych