Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 146v

Ystoria Bown de Hamtwn

146v

349

a|oed ganthunt. ac yna yd ysknnaỽd*
y|r ystauell venhinaỽl. a|gỽiscaỽ
ymdanaỽ lluruc a|helym discleire  ̷ ̷+
dic ac a|wiscaỽd morglei y|gledyf
ar y ystlys ys. ac yd yskynnaỽd ar
arỽndel y varch myỽn koueu eu  ̷ ̷+
reit. ac y gyt ac ef yd oed degmil ar
hugeint yn aruaỽc a boỽn a|atỽae  ̷ ̷+
nat arỽndel y varch a|e vrathu
ac ysparduneu. a|chyrchu un admi  ̷ ̷+
ral a|e vrathu a|e wayỽ yny byry  ̷ ̷+
aỽd yn varỽ y|r llaỽr. a|thra baraa  ̷ ̷+
ỽd y wayỽ ef a|e byryaỽd a|gyhyr  ̷ ̷+
daỽd ac ef. a sabaot a|gyrchaỽd arall
ac a|e lladaỽd. ac yna boỽn a|dodes
cri. ac a erchis y wyr eu ffustaỽ. ac
ỽynt a wnaethant ỽrth y|ewyllus.
Yna y|dechreuỽyt y vrỽydyr hyt
pan dryllyỽyt y|llurugeu. a hollti
y taryaneu hyt pan uu drỽc y iuor
y|kyhỽrd y dyd hỽnnỽ. kanys pymp  ̷ ̷+
theg|mil o|wyr aruaỽc a|golles. ac
yna yd ymhoelassant tu a mỽnbra  ̷ ̷+
ỽnd. a boỽn. a sabaot a|e hymlidiaỽd.
ac ny thygyaỽd. ac ymhoelut a|oru  ̷ ̷+
gant y bradmỽnd dracheuyn. a|thec
oed y vydinoed a orchyuygaỽd boỽn.
ac yna y deuth ermin yn erbyn
boỽn ac a|dywaỽt ỽrthaỽ. O boỽn
heb ef. maỽr yỽ dy glot. ac y myỽn
y|r llys yd aethant. ac eu diaruu
a orugant. Chỽedyl iuor uu galỽ
ar y synyscal attaỽ a|gouyn kyghor

350

idaỽ. Ti ỽeanc heb ef. doro gyghor
ym am vyg wyr a|golleis. arglỽyd
heb ef. ti a|geffy gyghor da. anuon o+
honot hyt yn babilon heb oet at yr
admiral y venegi idaỽ ac y erchi idaỽ
dyuot a phymthec brenhin coronaỽc
gyt ac ef. a|chyt a|phob un vgein|mil
o|wyr aruaỽc. llyna gyghor da heb·y
Juor. ac yn diohir gwneuthur llethy  ̷ ̷+
reu ac anuon kenhadeu hyt yn babi  ̷ ̷+
lon. ac mal y|gwelas yd yr admiral
y|llythyreu. ny orffỽyssaỽd hyny doeth
ef a|r pymthec brenhin gyt ac ef. ac
vgein|mil gyt a|phob vn hyt y|mỽm  ̷ ̷+
braỽnd. a|phan welas Juor ỽynt lla  ̷ ̷+
wen uu a mynet yn|y erbyn a|chyf  ̷ ̷+
arch gwell vdunt ac eu creffaỽu ac eu
kymryt y·gyt ac ef y|r llys. a|menegi
a|oruc udunt yr hynn a wnathoed ~
ermin a boỽn idaỽ. llad y wyr a|dỽyn
y|dressor yn lledrat a iosian y|wreic
ynrydedus. Yna y|dywaỽt yr admi  ̷ ̷+
ral. a elly di broui hynny. gallaf heb+
y iuor. korff yn erbyn korff. da y|dyỽedy
heb yr admiral. yd oed y|boỽn yspiỽr
yn gwarandaỽ ar·nadunt. a|phan
welas hỽnnỽ y|darpar a|oed gan y
niuer hỽnnỽ ymhoelut y|bratfỽrt
a|oruc. a menegi y boỽn ac ermin y
darpar a|oed ganthunt. a|phan gi  ̷ ̷+
gleu boỽn hynny; chỽerỽ a|dolurus
oed ganthaỽ. ac heb ohir anuon ken  ̷ ̷+
nat hyt yn ciuil at terri. a|phan