NLW MS. Peniarth 5 (The White Book of Rhydderch, part 1) – page 149v
Ystoria Bown de Hamtwn
149v
361
ac ỽynt yn uuyd ỽrth y orchymyn
ac y·velly y parhaaỽd y vrỽydyr
hyt pryt gosper. ac o nifer Juor ny
diegis dyn eithyr cant. a llawen
uu rieni y meibon gan y|gwelet
a|e tat. a dianc a|oruc paỽb o niuer
boỽn yn|iach hyt y castell. Yna y ky ̷ ̷+
merth boỽn kyghor py wed y|gallei
kynhal ryuel yn erbyn iuor kanys
maỽ yỽ y allu. a|dywedut ỽrth y
vab a|oruc. drỽc vyd yn hynt yn ry ̷ ̷+
uelu yn erbyn gallu kymeint ac
yssyd y|n erbyn ony chaỽn nerth.
ac ỽrth hynny anuonỽn gennat
at terri duc ciuil y erchi idaỽ dyfot
y|n ganhothỽy yn. Y genhat a|aeth
racdaỽ hyt pan deuth hyt yn hyt
att terri. a menegi a oruc y uot yn
gennat gan boỽn. a|e annerch y
ganthaỽ. ac adolỽyn idaỽ dyuot
yn ganhorthỽy. Myn vy|gret heb+
y terri mi a af yn vfyd. ac yn an+
uon kennadeu ar hyt y|byt y orch+
ymyn udunt dyuot attaỽ yn oet
dyd byr. ac yn yr oet dyd ef a|deuth
attaỽ petỽar duces. a deg|mil o
wyr aruaỽc gyt a phob vn o·na+
dunt. a gwedy eu dyuot y·gyt ef
a|dywaỽt ỽrthaỽ ỽrthunt. arglỽy ̷ ̷+
di heb ef reit vyd ym vynet y
vrenhinyaeth ystronaỽl y nerthu
362
boỽn clotuous kany beidaf. i. pallu
idaỽ. ac yna yd yskynnaỽd y duc
ar varch da a|cherdet racdunt trỽy
amryuaylon vrenhinaetheu hynyy
doeth hyt y|mratmỽnd. Brenhin
bratmỽnd a|oed myỽn tỽr ac argan ̷ ̷+
uot a|oruc barỽnyeit ciuil yn dyuot.
a mynet a|oruc at y tat y venegi
idaỽ. a|e tat a|ỽrthebaỽd idaỽ. diolỽch
y|duỽ. a|phan discynnassant yd|aeth
boỽn a iosian yn eu herbyn. a menegi
idaỽ y mod y|goruc iuor ac ef. a|gỽrth ̷ ̷+
eb idaỽ a oruc. a|dywedut idaỽ drỽc
y|daỽ udunt hynny. canys nifer a
maỽr a|deuth gyt a mi. Bellach y
dywedỽn am iuor ffalst prouadỽy
pan gyuodes y bore drannoeth an ̷ ̷+
uon kenhadeu yn ol vgein admi ̷ ̷+
rales. a|phymthec brenhin. ac|ỽynteu
a|doethant ỽrth y ewyllus ef. ac y+
gyt y marchoccaassant tu a brat ̷ ̷+
mỽnd megys kyndeiraỽc. eu son
a gigleu niuer y|dinas. a|gỽiscaỽ
a oruc y brenhin a niuer y dinas
ymdanunt. ac yscynnu yn gyflym
ar eu meirch ac y|r porth allan yd
aeth y marchogyon grymussaf o|r
dyrnas. ac yna y|gwelasgelỽis ifor ar
iudas o machabes y|erchi idaỽ rodi
kyghor canys os mi a gymer arnaf
vrỽydyr yn erbyn boỽn y|gyffelyb
| « p 149r | p 150r » |