Philadelphia MS. 8680 – page 29v
Brut y Brenhinoedd
29v
35
a chynny aỻei ef hynny
heb ganhorthỽy rei o
wyr groec. Galỽ ana+
cletus kedymdeith an+
tigonus a|oruc attaỽ. a
dywedut ỽrthaỽ yn|y
wed honn gan|displei+
niaỽ cledyf arnaỽ.
Tydi wr ieuanc ony
wney di yn|gywir ufud
yr hynn a archaf i ytti.
ỻyma diỽed dy deruyn di
ac antigonus a|r|cledyf
hỽnn. Sef yỽ hynny
pan uo nos heno y medy+
lyaf. i. dỽyn kyrch am benn
gỽyr groec. mal y kafỽyf
gỽneuthur aerua diry+
byd arnadunt. Sef y
mynnaf tỽyỻaỽ o·honat
ti eu gỽylwyr hỽy ac eu
gỽerỻysseu. Kanys rac+
dunt hỽy yd|oed reit yn
gyntaf ymoglyt mal
y bei haỽs ynn gyrchu
36
am|benn y ỻu. Ac ỽrth
hynny ditheu megys
gỽr caỻ doeth y|megys yr
ỽyf|i yn|y erchi ytti yn gy+
ỽir fydlaỽn. Pann del y
nos heno kerda parth ac
at y ỻu. a|phỽy bynnac
a|gyuarfo a|thi. dywet
ỽrthaỽ yn gaỻ ry dỽyn an+
tigonus ohonat o garchar
brutus. a|e rydhau o·honat
a|e adaỽ o·honat y myỽn
glynn dyrys koedaỽc. heb
aỻu y|dỽyn hỽy no hynny
rac trymet yr heyrn a|oed
arnaỽ. A gỽedy dyỽettych
hynny dỽc ỽynteu attaf|i
mal y gaỻỽyf eu kaffel
ỽrth uy ewyỻys.
A C yna gỽedy gỽelet
o ancletus y cledyf
noeth uch y benn a|r
geireu a|dywedei y gỽr.
yn gogyfadaỽ y agheu.
adaỽ a ỽnaeth gan dygu|ỻỽ
| « p 29r | p 30r » |