NLW MS. Peniarth 4 (The White Book of Rhydderch, part 2) – page 9v
Y gainc gyntaf
9v
35
bu hỽy ganthunt no thrannoeth
ymgueiraỽ a|oruc teirnon ar ẏ
drẏdẏd marchaỽc a|r mab ẏn petỽ ̷+
ẏrẏd ẏgẏt ac ỽẏnt ar ẏ march
a rodẏssei teirnon idaỽ. a cherdet
parth ac arberth a|ỽnaethont nẏ
bu hir ẏ|buont ẏnẏ doethont ẏ
arberth. Pan doethant parth a|r
llẏs. ỽẏnt a ỽelẏnt riannon ẏn
eisted ẏn emmyl ẏr ẏskẏnuaen.
Pann doethont ẏn ogẏuuch a hi.
a unbenn heb hi nac eỽch bellach
hẏnnẏ mi a dẏgaf pob un ohona+
ỽch hẏt ẏ|llẏs. a hẏnnẏ ẏỽ uẏm
penẏt am lad o·honaf uu hun
uẏ mab. a|e diuetha. a ỽreicda heb+
y teirnon nẏ thebẏgaf i ẏ un o|hẏn
uẏnet ar dẏ geuẏn di. aet a|ẏ|mẏ ̷+
nho heb ẏ mab nẏt af i. dioer e ̷+
neit heb teirnon nẏt aỽn ninheu.
y llẏs a|gẏrchẏssant. a|diruaỽr llẏ+
ỽenẏd a|uu ẏn|ẏ herbẏn. ac ẏn
dechreu treulaỽ ẏ ỽled ẏd oedit
ẏn y llẏs. ẏnteu pỽyll a|oed ẏn
dẏuot o|gẏlchaỽ dẏuet ẏ|r ẏneu ̷ ̷+
ad ẏd aethont ac ẏ ẏmolchi. a|lla ̷+
ỽen uu pỽẏll ỽrth teirnon. ac ẏ
eisted ẏd aethont. Sef ual ẏd
eistedẏssont. Teirnon y·rỽg pỽẏll
a riannon. a|deu gedẏmdeith teir ̷+
non uch llaỽ pỽẏll a|r mab ẏ·rẏ ̷ ̷+
ngthunt. Guedẏ daruot bỽẏta
ar dechreu kẏuedach ẏmdidan
a ỽnaethon. Sef ẏmdidan a|uu
gan teirnon. Menegi ẏ holl gẏf ̷+
ranc am ẏ gassec ac am ẏ mab.
36
a megẏs ẏ buassei ẏ mab ar ẏ|har ̷+
delỽ ỽẏ teirnon a|e ỽreic ac ẏ megẏs ̷+
sẏnt. ac ỽely|dẏ ẏna dẏ uab arglỽ ̷+
ẏdes heb·ẏ teirnon. a|phỽẏ|bẏnnac
a dẏỽot geu arnat cam a|ỽnaeth.
a minheu pann gigleu ẏ|gouut a
oed arnat trỽm uu gennẏf a|dolu ̷+
rẏaỽ a|ỽneuthum. ac nẏ thebẏ ̷ ̷+
gaf o|r ẏniuer hỽnn oll nit adnap ̷+
po uot ẏ|mab ẏn uab ẏ pỽẏll heb+
ẏ teirnon. Nẏt oes neb heb·ẏ paỽb
nẏ bo diheu gantaỽ hẏnnẏ. Ẏrof
i a|duỽ heb·ẏ|riannon oed escor uẏ ̷+
m|prẏder im pei gỽir hẏnnẏ ar ̷+
glỽẏdes heb·ẏ pendaran dẏuet
da ẏd enỽeist dẏ uab. prẏderi.
a goreu ẏ gueda arnaỽ prẏderi
uab pỽẏll penn annỽn. Edrẏch ̷ ̷+
ỽch heb·ẏ|riannon na bo goreu
ẏ gueda arnaỽ ẏ|enỽ e hun. Mae
ẏr enu heb·ẏ|pendaran dẏuet.
gỽri ỽallt eurẏn a|dodẏssom ni
arnaỽ ef. Prẏderi heb pendaran
dẏuet uẏd ẏ enỽ ef. yaỽnahaf
ẏỽ hẏnnẏ heb·ẏ pỽẏll kẏmrẏt
enỽ ẏ mab ẏ ỽrth ẏ geir a dẏỽot
ẏ uam pann gauas llaỽenchỽe ̷+
dẏl ẏ ỽrthaỽ. ac ar hẏnnẏ ẏ trig ̷+
ỽẏt. Teirnon heb·ẏ pỽẏll duỽ
a|dalo ẏt ueithrẏn ẏ|mab hỽn
hẏt ẏr aỽr hon. a iaỽn ẏỽ idaỽ
ẏnteu o|r bẏd gỽr mỽẏn ẏ dalu
ẏtti. arglỽẏd heb·ẏ|teirnon. ẏ
ỽreic a|e magỽẏs ef nẏt oes ẏn|ẏ
bẏt dẏn uỽẏ ẏ galar no hi ẏn|ẏ
ol. Jaỽn ẏỽ idaỽ coffau ẏmi ac ̷
| « p 9r | p 10r » |