Oxford Jesus College MS. 111 (The Red Book of Hergest) – page 88v
Brut y Tywysogion
88v
371
D Eg mlyned ar|hugeint A deu cant
a mil oed oet crist pan uu varỽ
maredud ab grufud arglỽyd hirvryn
trannoeth o|duỽ·gỽyl lucy wyry yg|kas+
teỻ ỻan ymdyfri. ac y|cladỽyt yn|ystrat
flur. Ẏ ulỽydyn honno y goresgynna+
ỽd ỻywelyn ab gruffud gasteỻ gaer filij
Ẏn|y ulỽydyn honno y bu uarỽ Lowys
vrenhin freinc a|e vab. a legat y·gyt y+
gyt ac ef ar y ford yn mynet y|gaerussalem
a|r loỽys hỽnnỽ yssyd sant enrydedus yn|y
nef. Ẏ vlỽydyn racỽyneb y whechet dyd
ỽedy aỽst y bu varỽ Maredud ab rys
gryc yg|kasteỻ y|dryslỽyn. ac y cladỽyt yn
y ty gỽynn rac bron yr aỻaỽr vaỽr. Ẏm+
penn teir ỽythnos gỽedy hynny y bu uarỽ
rys Jeuanc uab Rys Mecyỻ yg|kasteỻ
dinefỽr. ac y cladỽyt yn tal y ỻycheu. Ẏn|y
vlydyn* rac ỽyneb y bu uarỽ henri vrenhin
duỽ·gỽyl fjlie wyry gỽedy gỽledychu
wythnos. a|mis. ac vn vlỽydyn ar bymthec
a|deugein. ac y|cladỽyt yn|y vanachlaỽc
neỽyd yn ỻundein. a gỽedy ef y gỽledychaỽd
y mab hynaf idaỽ. A gỽeithretoed hỽnnỽ
yssyd yn yscriuennedic yn|ystoryaeu y bren+
hined. Ẏ ulỽydyn honno gỽyl sein denis
yd etholet y decuet gregorij bap. Y vlỽy+
dyn rac ỽyneb yd atueraỽd owein a gru+
fud veibon maredud ab owein y kymỽt
perued y gynan y braỽt. am·gylch gỽyl
veir y canhỽyỻeu. Ẏ vlỽydyn rac ỽyneb
amgylch y pasc bychan y gofỽyaỽd ỻyỽ+
elyn ab gruffud gasteỻ dol vorỽyn. a dy+
vynu a|oruc attaỽ ruffud ab gỽennỽynỽ+
yn. ac ymliỽ ac ef am|y tỽyỻ a|r aghyỽir+
deb a|ỽnathoed idaỽ. a|dỽyn y arnaỽ ar+
ỽystli a|their|tref ar dec o gefeilaỽc yssyd
tu draỽ y|dyfi yn riỽ helyc a|dala owein
y mab hynaf idaỽ a|e dỽyn y·gyt ac ef hyt
yg|gỽyned. Ẏ ulỽydyn honno y gỽnaeth
y decuet gregori bap. kyffredin gỽnsli
yn liỽn duỽ kalan mei. Ẏ ulỽydyn honno
duỽ sul gỽedy duỽ·gỽyl veir yn aỽst y
kyssegrỽyt yn ỻundein Etwart uab y
pedwyryd trydyd henri yn|vrenhin yn ỻoegyr.
Ẏn|y ulỽydyn honno amgylch gỽyl andras
372
y|danuones llywelyn genadeu at ruffud
ab gỽennỽynnỽyn hyt yg|kasteỻ y tra+
ỻỽg. ac ynteu a|e haruoỻes ỽynt yn ỻaỽ+
en ac a|e|duc y|r casteỻ. ac a|e porthes yn
anhỽyl*. a|r nos honno yd|aeth ef y amỽy+
thic ac y gorchymynnaỽd y|r casteỻwyr
attaỻ* y kenadeu yg|karchar. a phan gigle+
u y tywyssaỽc hynny kynuỻaỽ hoỻ gym+
ry a|ỽnaeth y ymlad a|r casteỻ. a gỽedy
dyuot yno a|e lu y rodes y casteỻwyr idaỽ
y casteỻ. A gỽedy rydhau ohonaỽ y kas+
teỻwyr a|r kenadeu y ỻosges y casteỻ hyt
y ỻaỽr. ac odyna y goresgynnaỽd hoỻ
gyuoeth grufud ab gỽenỽynỽyn heb ỽrth+
ỽynebed. ac y gossodes y sỽydogyon e hun
yn|yr hoỻ gyfoeth. Ẏn|y vlỽydyn honno y
bu gyfnewit deu gymỽt y·rỽg kynan
a rys ieuanc. ac y deuth pennard y gynan
a|r kymỽt perued y rys vychan. Ẏ vlỽy+
dyn rac ỽyneb ychydic ar ieu kychafel
y gossodes Etwart vrenhin gỽnsli yn
ỻundein. ac yna y gossodes ef gossodeu neỽ+
yd ar yr hoỻ deyrnas. Ẏn|y ulỽydyn honno
yn|y pymthecuet dyd o aỽst. y bu uarỽ ab
maredud ab owein. ac y cladỽyt yn ystrat
fflur geir ỻaỽ y dat Ẏ ulỽydyn honno
amgylch gỽyl veir y medi y deuth etw+
art urenhin o lundein hyt yg|kaer ỻeon
ac a|dyuynnaỽd attaỽ lywelyn ab gruffud
tywyssaỽc kymry y wneuthur idaỽ gỽro+
gaeth. a|r tyssaỽc* a dyfynnaỽd attaỽ yn+
teu hoỻ varỽneit kymry. ac o gyffre+
din gyghor nyt aeth ef at y brenhin. o
achaỽs vot y brenhin yn kynhal y ffoodron
ef. Nyt amgen dauyd ab gruffud. a gruf+
fud ab gỽennỽynỽyn. ac o|r|achaỽs hỽnnỽ
yd ymchoelaỽd y brenhin yn ỻidyaỽc y loe+
gyr. ac yd|ymchoelaỽd ỻyỽelyn y gymry.
Ẏ ulỽydyn hono yr ỽythuet dyd o ỽyl veir
y medi y crynaỽd y daear yg|kymry am+
gylch aỽr echỽyd. Y ulỽydyn honno y mor+
dwyaỽd Emri uab simỽnt mỽnford. ac
elianor y|chwaer tu a gỽyned. ac ar yr hynt
honno y delit ỽynt y gan porthmyn ha+
ỽlfford. ac y hanuonet yg|karchar Etỽ+
art vrenhin. a|r elianor honno a gyme+
| « p 88r | p 89r » |