NLW MS. Peniarth 4 (The White Book of Rhydderch, part 2) – page 65r
Geraint
65r
393
llẏs; nẏ welei haẏach namẏn loft
a welei a|font o uaẏn marmor
ẏn dẏuot o|r loft ẏ waeret. ac
ar bont ẏ gwelei gỽr gwẏnllỽẏt
ẏn eisted a hen dillat adueiledic
ẏmdanaỽ. Sef a oruc gereint
ẏdrẏch arnaỽ ẏn graf hir hẏnt.
Sef a dẏwaỽd ẏ gỽr gwẏnllỽẏd
vrthaỽ. A uaccỽẏf heb ef pa ued ̷ ̷+
vl ẏỽ ẏ teu di. Medẏlẏaỽ heb ẏn ̷ ̷+
teu am na vn pa le ẏd af heno.
A deuẏ di ragot ẏma unben
heb ef. a|thi a geffẏ oreu a|gaffer
it. af heb ẏnteu a dẏỽ a dalo
it. a dẏuot racdaỽ a oruc a|ch ̷ ̷+
ẏrchu a oruc ẏ gỽr gwẏnllỽẏd
ẏ|r neuad o|e ulaen. a diskẏnnu
a oruc ẏn ẏ neuad ac adaỽ ẏno
ẏ uarch a dẏuot racdaỽ tu a|r loft
ef a|r gvr gwẏnllỽẏt. ac ẏn|ẏ
lloft ẏ gwelei gohenwreic ẏn
eisted ar obennẏd a hen dillat
atueiledic o bali amdanei. a|ffan
uuassei ẏn|ẏ llaỽn ieuengtit.
tebic oet ganthaỽ na welsei
neb wreic degach no hi. a
morỽẏn a ged gẏr ẏ llaỽ a|chrẏs
a llenlliein ẏmdanei gohen ẏn
dechreu atueilaỽ. a diheu oed
ganthaỽ na welsei eiroet un
uorỽẏn gẏflaỽnach o amẏlder
prẏd a gosked a|theledivrỽẏd
no hi. a|r gỽr gwẏnllỽẏd a
dẏwaỽd vrth ẏ uorỽẏn. Nit
oes was ẏ uarch ẏ marchaỽc
mackỽẏf hỽnn namẏn ti heno.
ẏ gỽasanaeth goreu a allỽẏf. i.
heb hi. mi a|e gỽnaf ac itaỽ ef
a|e uarch. a diarchenu ẏ mac ̷+
kỽẏf a|oruc ẏ uorỽẏn. ac odẏ ̷+
na ẏ diwallu ẏ march o wellt
ac ẏt. a|chẏrchu ẏ|r neuad ual
394
kẏnt a dẏuot ẏ|r lloft dracheuẏn
a ẏna ẏ dẏwaỽd ẏ gỽr gwẏnllỽẏt
vrth ẏ uorỽẏn. Dos ẏ|r dref heb
ef vrth a|r traỽsglỽẏd goreu a
ellẏch o uỽẏd a llẏn par dẏuot
ẏma ac ef. Mi a|wnaf ẏn llawen
arglỽẏd heb hi. ac ẏ|r dref ẏ doẏth
ẏ uorỽẏn ac ẏmdidan a|orugant
hỽẏnteu tra uu ẏ uorỽ·ẏn ẏn|ẏ
dref. ac ẏn|ẏ lle na·chaf ẏ uorỽẏn
ẏn dẏuot a gvas ẏ·gẏt a hi a|ch+
ostrel ar ẏ geuẏn ẏn|llaỽn o ued
gỽerth a chwarthaỽr eidon Jeuanc
ac ẏ·rỽg dỽẏlaỽ ẏ uorỽẏn ẏd oed
talẏm o uara gwẏnn a·c un dorth
coesset ẏn|ẏ llenlliein ac ẏ|r lloft
ẏ doeth. Nẏ elleis i heb hi draỽs+
clỽẏd well no hỽnn. ac nẏ cha+
vn uẏg|kredu ar well no hẏnn.
Da|digaỽn heb·ẏ gereint. a|fferi
berwi ẏ kic a|orugant. a fan uu
baraỽd eu bỽẏt vẏnt a aẏthont
ẏ eiste. nẏt amgen. Gereint a
eistedaỽd ẏ·rỽg ẏ gỽr gwẏnllỽẏt
a|ẏ wreic. a|r uorỽẏn a|wasana+
ethaỽd arnunt. a bỽẏta ac
ẏ·uet a orugant. a gwedẏ dar+
uot utunt uỽẏta dala ar ẏm ̷ ̷+
didan a|r gỽr gwẏnllỽẏt a oruc
gereint a gouẏn itaỽ ae ef gẏn+
taf bieiuu ẏ llẏs ẏd oed ẏndi. mi
ẏs|gwir heb ef a|ẏ hadilẏaỽd. a mi
bieuu ẏ dinas a|r castell a weleist
ti. Och a vr heb·ẏ gereint paham
ẏ colleist titheu hỽnnỽ. Mi a goll+
eis heb ẏnteu iarllaeth uaỽr ẏ+
gẏt a hẏnnẏ. a llẏma paham ẏ
colleis. Nei uab praỽt a oet im
a|chẏuoeth hỽnnỽ a|r meu uẏ hun
a gẏmereis attaf. a|ffan doeth
nerth ẏ·ndaỽ holi ẏ gẏuoẏth a
oruc. Sef ẏ kẏnhelleis inheu
| « p 64v | p 65v » |