Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 66r

Geraint

66r

397

Na chẏrch heb·ẏ gereint mae m
yma uorỽẏn ẏssẏd degach a|the  ̷ ̷+
lediwach a dẏlẏedogach no|thi
ac a|ẏ dẏlẏ ẏn well. Os ti·di a
gynhellẏ ẏ llamẏsten ẏn eidi hi.
dẏret ragot ẏ ẏmwan a mẏui.
Dẏuot rogdaỽ a oruc gereint
hẏd ẏmpen ẏ weirglaỽd ẏn gẏ  ̷ ̷+
weir o uarch ac arueu trỽm rẏd  ̷+
lẏt dielỽ ẏstronaỽl ẏmdanaỽ
ac ẏm·dan ẏ uarch ac ẏm·gẏrchu
a orugant. a|thorri to o beleidẏr.
a thorri ẏr eil. a|thorri ẏ trẏdet to
a hẏ·nnẏ a* hẏnnẏ* pob eilwers
a hỽẏnt a|e torrẏnt ual ẏ dẏckid
attunt. a|ffan welei ẏ iarll a|ẏ
niuer marchaỽc ẏ llamẏsten
ẏn hẏdẏr; dolef a gorawen a
llẏwenẏd a uẏtei ganthaỽ ef a|ẏ
niuer. a|thristau a|wnai ẏ gỽr
gwẏnllỽẏt a|ẏ wreic a|ẏ uerch.
A|r gỽr gwẏnllỽẏt a|wassanaeth+
ei ẏ ereint o|r peleidẏr ual ẏ tor  ̷ ̷+
rei. a|r corr a|wassanaethei uarch  ̷ ̷+
aỽc ẏ llamẏsten. ac ẏna ẏ doeth
ẏ gỽr gwẏnllỽẏt ar ereint. a
unben heb ef welẏdẏ ẏma ẏ
paladẏr a oẏd ẏ|m llaỽ i ẏ dẏt
ẏ|m urdỽẏt ẏn uarchaỽc urd  ̷ ̷+
aỽl. ac ẏr hẏnnẏ hẏt nẏ|thor  ̷ ̷+
reis. i. ef. ac ẏ maẏ arnaỽ penn
iaỽnda. kanẏ thẏckẏa un pala  ̷ ̷+
dẏr gennẏt. Gereint a gẏm  ̷+
erth ẏ gwaeỽ gan ẏ diolỽch ẏ|r
gỽr gwynllỽẏt. ar hẏnnẏ na+
chaf ẏ corr ẏn dẏuot a gỽaẏỽ
ganthaỽ ẏnteu at ẏ arglỽẏd.
welẏ ditheu ẏma waẏỽ nẏd
gỽaeth heb ẏ cor. a|choffa na
seuis marchaỽc eiroet gen  ̷ ̷+
hẏt kẏhẏt ac ẏ mae hỽnn ẏn
seuẏll. Y·rof a dẏỽ heb gereint

398

onẏt agheu ebrỽẏd a|m dỽc i nẏ
henbẏd gwell ef o|th borth di. ac
o bell ẏ vrthaỽ gordinaỽ ẏ uarch
a oruc gereint a|ẏ gẏrchu ef gan
ẏ rẏbudẏaỽ a gossot arnaỽ dẏr+
naỽd tostlẏm creulaỽndrud y|g+
hedernit ẏ darẏan ẏnẏ holltes
ẏ darẏan ac ẏnẏ dẏrr ẏr arueu
ẏ|ghẏueir ẏ gossot ac ẏnẏ dẏr ẏ
gegleu. ac ẏnẏ uẏd ẏnteu ef
a|ẏ gẏfrỽẏ dros bedrein ẏ uarch
ẏ|r llaỽr. ac ẏn gẏflẏm dis+
kẏnnu a|oruc gereint a|llidiaỽ
a|thẏnnu cledẏf a|ẏ gẏrchu ẏn
llidiaỽclẏm. y kyuodes ẏ march+
aỽc enteu a|thẏnnu cledẏf arall
ẏn erbẏn gereint. ac ar eu
traed ẏmfust a|chledẏfeu ẏnẏ
ẏttoẏd arueu pob un onadunt
ẏn seriglurẏỽ gan ẏ gilid. ac
ẏnẏ ẏttoẏd ẏ|chỽẏs a|r gỽaet
ẏn dỽẏn lleuuer ẏ llẏgeit
udunt. a|ffan uei hẏttraf ge+
reint ẏ llawenhai ẏ gỽr gwẏn+
llỽẏd a|ẏ wreic a|ẏ uerch A|ffan
uei|hẏttraf ẏ marchaỽc; y
llawenhaei ẏ iarll a|ẏ bleit.
a ffan welas ẏ gỽr gwẏnllỽẏt
gereint gỽedẏ caffel dẏrnaỽd
maỽrdost. nessau a oruc attaỽ
ẏn gẏflẏm a dẏwedut vrthaỽ
a unben heb ef coffa ẏ sẏrhaet
a geueist ẏ gan corr. a|ffonẏt
ẏ geissaỽ dial dẏ sẏrhaed
ẏ deuthost ẏma a sẏrhaed
gỽenhỽẏuar gwreic arthur.
Dẏuot cof a oruc ẏ ereint
ẏmadraỽd ẏ gỽr vrthaỽ a
galaỽ attaỽ ẏ nerthoed a|drẏch+
auael ẏ gledẏf a gossot ar ẏ
marchaỽc ẏg|gỽarthaf ẏ benn
ẏnẏ dẏrr holl arueu ẏ benn