Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 10v

Yr ail gainc

10v

39

a cherdet rugẏl ebrỽyd ganthunt.
ẏ gỽẏnt ẏn eu hol ac ẏn nessau ẏn
ebrỽẏd attunt. Mi a|ỽelaf longeu
racco heb ẏ brenhin ac ẏn dẏuot
ẏn hẏ parth a|r tir. ac erchỽch ẏ
ỽẏr ẏ llẏs ỽiscaỽ amdanunt a
mẏnet ẏ edrẏch pa uedỽl yỽ ẏr
eidunt. ẏ gỽẏr a|ỽiscaỽd amdan  ̷ ̷+
unt ac a|nessaẏssant attunt ẏ|ỽa+
ẏret. gỽedẏ guelet ẏ llongeu o
agos diheu oed ganthunt na ỽel  ̷+
sẏnt eirẏoet llongeu gẏỽeirach
eu hansaỽd noc ỽẏ. arỽẏdon tec
guedus arỽreid o bali oed arnu  ̷ ̷+
nt. ac ar hẏnnẏ nachaf un o|r
llongeu ẏn rac·ulaenu rac ẏ|rei
ereill. ac ẏ guelẏnt dẏrchauael
tarẏan ẏn uch no bỽrd ẏ llong.
a sỽch ẏ tarẏan ẏ|uẏnẏd ẏn ar  ̷+
ỽẏd tangneued. ac ẏ|nessaỽẏs
ẏ gỽẏr attunt ual ẏd ẏmglẏỽy  ̷+
nt ẏmdidan. bỽrỽ badeu allan
a|ỽnaethont ỽẏnteu a|nessau
parth a|r tir a|chẏuarch guell
ẏ|r brenhin. E|brenhin a|e clẏỽei
ỽẏnteu o|r lle ẏd oed ar garrec
uchel uch eu penn. duỽ a rodo
da ẏỽch heb ef a|graẏssaỽ ỽrth  ̷ ̷+
ỽch. pieu ẏ·niuer ẏ|llongeu
hẏnn. a phỽẏ ẏssẏd pennaf ar  ̷+
nunt ỽẏ. arglỽẏd heb ỽynt mae
ẏmma matholỽch brenhin iỽe  ̷+
rdon ac ef bieu ẏ llongeu. beth
heb ẏ brenhin a uẏnnhei ef. a
uẏn ef dẏuot ẏ|r tir. na uẏnn
arglỽẏd heb ỽẏnt negessaỽl

40

ẏỽ ỽrthẏt ti onẏt ẏ|neges a geif.
Bẏ|rẏỽ neges ẏỽ ẏr eidaỽ ef heb
ẏ brenhin. Mẏnnu ẏm·gẏuathra+
chu a|thidẏ arglỽẏd heb ỽẏnt. ẏ
erchi branỽen uerch lẏr ẏ|doeth.
ac os da genhẏt ti ef a uẏn ẏm  ̷ ̷+
rỽẏmaỽ ẏnẏs ẏ kedeirn ac iỽerdon
ẏ·gẏt ual ẏ|bẏdẏnt gadarnach.
Je heb ẏnteu doet ẏ|r tir a chẏnghor
a|gẏmerỽn ninheu am hẏnnẏ.
ẏr atteb hỽnnỽ a aeth ataỽ ef. Min  ̷ ̷+
heu a af ẏn llaỽen heb ef. ef a|doeth
ẏ|r tir a|llaỽen uuỽẏt ỽrthaỽ a|dẏ  ̷+
gẏuor maỽr uu ẏn|ẏ llẏs ẏ|nos hon  ̷+
no ẏ·rỽng e|ẏniuer ef ac ẏniuer
ẏ llẏs. ẏn|ẏ lle trannoeth kẏmrẏt
kẏnghor. Sef a gahat ẏn|ẏ kẏnghor
rodi branỽen ẏ uatholỽch a|honno
oed trẏded prif rieni ẏn ẏr ẏnẏs
hon. teccaf morỽẏn ẏn ẏ|bẏt oed.
a gỽneuthur oed ẏn aberfraỽ ẏ
gẏscu genti. ac odẏno ẏ|kẏchỽẏn.
ac ẏ kẏchỽẏnassant ẏr ẏniueroed
hẏnnẏ parth ac aberfraỽ. Matho  ̷ ̷+
lỽch a|ẏ ẏniueroed ẏn|ẏ llongheu.
bendigeituran a|ẏ|niuer ẏnteu
ar tir ẏnẏ doethant hẏt yn aber  ̷+
fraỽ. Yn aberfraỽ dechreu ẏ ỽled
ac eisted. Sef ual ẏd eistedẏssant.
brenhin ẏnẏs ẏ kedeirn a|man  ̷ ̷+
aỽẏdan uab llẏr o|r neill parth
idaỽ. a matholỽch o|r parth arall.
a branỽen uerch lẏr gẏt ac ẏnteu.
Nẏt ẏ|mẏỽn tẏ ẏ·d|oẏdẏnt namẏn
ẏ|mẏỽn palleu. nẏ angassei uen  ̷ ̷+
digeituran eirẏoet ẏ mẏỽn tẏ.